Դաժան ծեծի ենթարկված 13-ամյա աշակերտը տեղափոխվել է հիվանդանոց՝ գլխուղեղի ցնցմամբ և ակնակապճի վնասվածքով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր առավոտյան գլխի վնասվածքով ծայրահեղ ծանր վիճակում Սպիտակի հիվանդանոց է տեղափոխվել Լոռու մարզի Ջրաշեն գյուղի 13-ամյա աշակերտ՝ երեխան դաժան ծեծի է ենթարկվել Լոռու մարզի դպրոցներից մեկում և հենց դպրոցից էլ նրան այդ վիճակում տեղափոխել են հիվանդանոց։

Արձանագրվել է գիտակցության թեթև մթագնում և շոկային վիճակ, Euromedia24-ի հետ զրույցում ասաց Սպիտակի հիվանդանոցի տնօրեն Վարդուհի Սիսակյանը Դաժան ծեծի հետևանքով երեխայի մոտ գլխուղեղի ցնցում է ախտորոշվել։

Հետազոտությունների արդյունքում հայտնաբերվել է նաև ակնակապճի պատռվածք՝ որոշակի տեղաշարժով, որը, բժիշկների գնահատմամբ, տվյալ պահին երեխայի ընդհանուր առողջական վիճակի վրա էական ազդեցություն չի ունեցել։

Տնօրենը նշեց, որ կատարվել են բոլոր անհրաժեշտ հետազոտությունները՝ ներառյալ համակարգչային տոմոգրաֆիա (ԿՏ), ինչպես նաև նեղ մասնագիտական խորհրդատվություններ՝ մանկաբույժի, նյարդաբանի և ռեանիմատոլոգի կողմից։ Անվտանգության և հետագա մասնագիտական հսկողության նպատակով երեխան տեղափոխվել Երևան է նեղ մասնագիտական կլինիկա, որտեղ առկա են մանկական նյարդաբան և նյարդավիրաբույժ։ Երեխայի բուժումը շարունակվում է համապատասխան մասնագիտական վերահսկողության պայմաններում։

Ըստ հարազատների՝ երեխային դպրոցում հարվածել և ծեծի են ենթարկել։ երեխան 13-ամյա Ալիկ Հ.-ն է, ով սովորում է այն դպրոցում, որտեղից նրան տեղափոխել են հիվանդանոց։

Euromedia24-ի հարցին՝ արդյոք դեպքի առթիվ քրեական վարույթ նախաձեռնվել է, Քննչական կոմիտեից պատասխանեցին, որ հաղորդում դեռ չեն ստացել։

Միևնույն ժամանակ, հաշվի առնելով, որ անչափահասը դպրոցից ծանր վնասվածքներով տեղափոխվել է բուժհաստատություն, իրավապահների արձագանքի բացակայությունը հարցեր է առաջացնում։

Հետևեք մեզ՝ այստեղ