Թադե Մարտիրոսյանը և Սուրեն Արզումանյանը կշարունակեն աշխատանքը հավաքականներում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Բասկետբոլի կանանց Հայաստանի մինչեւ 16 տարեկանների հավաքականի գլխավոր մարզիչի պաշտոնում կշարունակի աշխատել Թադե Մարտիրոսյանը։

Նրա գլխավորությամբ Մ16 կանանց հավաքականը 2025 թվականին դարձել է Եվրոպայի առաջնության C դիվիզիոնի փոխչեմպիոն։

Նա կշարունակի գլխավորել նաև կանանց Հայաստանի ազգային հավաքականը, որն այս տարի կմասնակցի Փոքր երկրների Եվրոպայի կանանց առաջնությունը որը կկայանա հունիսի 23–28-ը Կոսովոյում: Մրցակիցները Կոսովոյի և Անդորրայի թիմերն են։

Մ18 կանանց Հայաստանի հավաքականի գլխավոր մարզիչի պաշտոնում կշարունակի աշխատել Սուրեն Արզումանյանը։

Նրա գլխավորությամբ Մ18 կանանց հավաքականը նվաճել է Եվրոպայի առաջնության C դիվիզիոնի փոխչեմպիոնի կոչումը։

Նշենք, որ Հայաստանի կանանց Մ16 և Մ18 հավաքականներն այս տարի կմասնակցեն Եվրոպայի C դիվիզիոնի առաջնություններին։

Հայաստանի կանանց Մ16 հավաքականը ընդգրկված է Եվրոպայի C դիվիզիոնի B ենթախմբում, որտեղ կմրցի Ալբանիայի, Մոլդովայի և Ջիբրալթարի հավաքականների հետ։

Մ16 կանանց Եվրոպայի C դիվիզիոնի առաջնության հանդիպումները կկայանան 2026 թվականի հուլիսի 7–12-ը, Թա-Քալիում (Մալթա)։

Կանանց Մ18 հավաքականը ընդգրկված է C դիվիզիոնի B ենթախմբում, որտեղ կմրցի Կոսովոյի, Վրաստանի և Ջիբրալթարի հավաքականների հետ։

Մ18 կանանց Եվրոպայի C դիվիզիոնի առաջնության հանդիպումները կկայանան հուլիսի 21–26-ը, Պեժայում (Կոսովո)։

Հետևեք մեզ՝ այստեղ