Մյունխենի «Բավարիան» հաղթեց «Վերդերին»․ Լեվերկուզենի «Բայերը»՝ «Սանկտ Պաուլիին»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Գերմանիայի առաջնության 22-րդ տուրը հաջող դասավորվեց առաջատարների համար։ Մյունխենի «Բավարիան» և Լեվերկուզենի «Բայերը» վստահ հաղթանակներ տոնեցին՝ անառիկ պահելով սեփական դարպասները։

​Մրցաշարային աղյուսակի առաջատար «Բավարիան» հյուրընկալվելիս 3։0 հաշվով առավելության հասավ «Վերդերի» նկատմամբ։ Մյունխենցիների կազմում փայլեց Հարի Քեյնը, ով 22-րդ րոպեին հստակ իրացրեց 11-մետրանոցը, իսկ երեք րոպե անց խաղային իրավիճակում դարձավ դուբլի հեղինակ։ Հանդիպման վերջակետը 70-րդ րոպեին դրեց Լեոն Գորեցկան։

​Մյունխենցիները վաստակեցին 57 միավոր և շարունակում են գլխավորել մրցաշարային աղյուսակը, իսկ «Վերդերը» 19 միավորով 16-րդն է։

​Տպավորիչ հաղթանակ տոնեց նաև Լեվերկուզենի «Բայերը», որը սեփական հարկի տակ ջախջախեց «Սանկտ Պաուլիին»՝ 4։0։ Տանտերերը հարցերը լուծեցին արդեն մեկնարկում․ 13-րդ և 14-րդ րոպեներին աչքի ընկան համապատասխանաբար Ջարել Քուանսան և Պատրիկ Շիկը։ Երկրորդ խաղակեսում հաշիվը խոշոր դարձրին Էդմոնդ Տապսոբան (52′) և Էռնեստ Պոկուն (78′)։

​Այս հաղթանակի շնորհիվ «Բայերը» վաստակեց 39 միավոր և բարձրացավ 4-րդ հորիզոնական։ «Սանկտ Պաուլին» 17 միավորով մնաց 17-րդ տեղում։

​Տուրի զուգահեռաբար ընթացող մյուս խաղերում գրանցվել են հետևյալ արդյունքները.

​«Այնտրախտ» – «Բորուսիա Մյոնխենգլադբախ»՝ 3:0
​«Համբուրգ» – «Ունիոն»՝ 3:2
​«Հոֆենհայմ» – «Ֆրայբուրգ»՝ 3:0

Հետևեք մեզ՝ այստեղ