Սերբիան և Ադրբեջանը Նիշի մերձակայքում գազային էլեկտրակայան կկառուցեն. Վուչիչ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Սերբիայի նախագահ Ալեքսանդր Վուչիչն այսօր հայտարարել է, որ Նիշ քաղաքի մերձակայքում Ադրբեջանի հետ համատեղ գազային էլեկտրակայան կկառուցվի, և, ըստ նրա, այն շահագործման կհանձնվի 2029 թվականին, հայտնում է Tanjug-ը։

Վուչիչը հայտնել է, որ այս հարցը քննարկել է Սերբիա պաշտոնական այցով ժամանած Ադրբեջանի նախագահ Իլհամ Ալիևի հետ։

«Քննարկել ենք այդ հարցը, այսօր նախնական համաձայնագիր է ստորագրվում։ Հետևողական կլինենք, որ առաջիկա երկու-երեք ամսում ամեն ինչ ավարտենք, որպեսզի դրանից կարճ ժամանակ անց հնարավոր լինի սկսել Նիշի մերձակայքում գազային էլեկտրակայանի նախագծումն ու շինարարությունը։ Շինարարությունը կտևի երկու տարուց մի փոքր ավելի»,- ասել է նա։

Սերբիայի նախագահը նշել է, որ խոսքը մաքուր էներգիայի մասին է, որը Եվրոպական միությունը ճանաչել է որպես էկոլոգիապես անվտանգ։ Տեղակայման համար երեք վայր կա՝ Տրուպալեն, Կրուշևացը և Նիշկա Բանյան, բայց նա կարծում է, որ այս պահին ամենահավանականը Կրուշևացն է։

«Ձգտում ենք 500 ՄՎտ հզորության։ Նախագահ Ալիևն ինձ խոստացել է անձամբ մասնակցել այս գործին, քանի որ նրանք կառուցել են, չեք հավատա, 1890 ՄՎտ հզորությամբ գազային էլեկտրակայան և շինարարությունն ավարտել են երկու տարում։ Հնարավոր է՝ Ադրբեջանում մարդիկ չգիտեն, որ սա իմ լսած նախագծերի ամենաարագ իրականացումն է։ Ուստի խնդրել եմ, որ այստեղ իրենց հնարավորությունների չափով աշխատեն ադրբեջանական և, իհարկե, սերբական ընկերությունները։ Որքան գիտենք, ադրբեջանական ընկերությունները միշտ հետևել են, որ գազային էլեկտրակայանի շինարարության վրա միասին աշխատենք 50/50 հարաբերակցությամբ»,- ասել է Վուչիչը։

Հետևեք մեզ՝ այստեղ