Իրան, Ուկրաինա, միջուկային էներգիայի համաձայնագիր․ Հունգարիայում Ռուբիոն բարձրաստիճան հանդիպումներ է ունեցել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եթե ԱՄՆ նախագահ Դոնալդ ​​Թրամփը չլիներ, մենք նույնիսկ հնարավորություն չէինք ունենա վերջ դնել Ուկրաինայում պատերազմը, ասել է Հունգարիայի վարչապետ Վիկտոր Օրբանն ԱՄՆ պետքարտուղար Մարկո Ռուբիոյի հետ մամուլի ասուլիսի ժամանակ:

«Ես վստահեցրել եմ պետքարտուղար Ռուբիոյին, որ Հունգարիան շարունակում է աջակցել ԱՄՆ-ի խաղաղության ջանքերին Ուկրաինայում՝ անկախ նրանից, թե ինչ է կատարվում եվրոպական համատեքստում: ԱՄՆ ներկայիս նախագահը միջազգային քաղաքականության մեջ քայլեր է ձեռնարկում, որոնք ուղղված են ռուս-ուկրաինական պատերազմում խաղաղության ապահովմանը: Եվ ես պետք է կրկնեմ, չնայած բոլորը գիտեն, որ եթե Դոնալդ Թրամփը լիներ Միացյալ Նահանգների նախագահ, այս պատերազմը երբեք չէր սկսվի: Եվ եթե նա հիմա նախագահ չլիներ, մենք նույնիսկ հնարավորություն չէինք ունենա խաղաղ ճանապարհով վերջ դնելու պատերազմին», - ասել է Օրբանը։

ԱՄՆ պետքարտուղար Մարկո Ռուբիոն ասել է, որ Իրանի հետ համաձայնության գալը հեշտ չի լինի։

«Ես դա ասացի երեկ և այսօր էլ կրկնում եմ։ Մենք պետք է հասկանանք, որ Իրանը, վերջին հաշվով, կառավարվում է, և նրա որոշումները կայացնում են շիա հոգևորականները, արմատական ​​շիա հոգևորականները։ Այս մարդիկ քաղաքական որոշումներ են կայացնում մաքուր աստվածաբանության հիման վրա։ Ահա թե ինչպես են նրանք որոշումներ կայացնում։ Այսպիսով, Իրանի հետ համաձայնության գալը դժվար կլինի։ Մենք միշտ ասել ենք, որ դա դժվար է, բայց կփորձենք», - ասել էՌուբիոն։

Ռուբիոն նաև ասել է, որ որ Վաշինգտոնը շահագրգռված է Ուկրաինայում մարտական ​​գործողությունների դադարեցմամբ

«Մենք ցանկանում ենք անել ամեն ինչ, որպեսզի դա տեղի ունենա: Մենք միակ ազգն ենք աշխարհում, որը կարող է երկու կողմերին էլ բանակցային սեղանի շուրջ բերել... Մենք չենք փորձում որևէ մեկին համաձայնություն պարտադրել: Մենք չենք փորձում որևէ մեկին հարկադրել այնպիսի համաձայնության, որը ոչ ոք չի ուզում: Մենք պարզապես ուզում ենք օգնել նրանց», - Բուդապեշտում հայտարարել է պաշտոնյան:

Ռուբիոն հավելել է, որ Ուկրաինայում հակամարտության դադարեցումը աշխարհը կդարձնի ավելի լավ վայր, մինչդեռ դրա շարունակությունը ոչ մեկին օգուտ չի բերի:

​Բուդապեշտում ԱՄՆ պետքարտուղարը և Հունգարիայի արտաքին գործերի նախարար Պետեր Սիյարտոն ստորագրել են միջուկային էներգիայի վերաբերյալ համաձայնագիր։

Հետևեք մեզ՝ այստեղ