Ծեծկռտուք Գյումրիում՝ «Տիկ-Տոկում» «գեղացի լակոտ» անվանելու համար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Aravot.am-ի տեղեկություններով, Շիրակի մարզային քննչական վարչությունում քննվում է գյումրեցի հարևանների միջև փետրվարի 5-ին սկսված և փետրվարի 9-ին շարունակված ծեծկռտուքը, որի ժամանակ հասցվել են մարմնական վնասվածքներ, շտապբուժօգնություն կանչել։

 Փետրվարի 9-ին՝ գիշերը ժամը 02․55-ի սահմաններում հանրապետական շտապօգնության Շիրակի մարզային կայանի բուժաշխատակիցները օգնություն են ցուցաբերել 46-ամյա մի տղամարդու, ում մոտ ախտորոշվել է «կրծքավանդակի վնասվածք, ձախ ծնկան հոդի դրսային մակերեսի հեմատոմա»։

Շտապօգնությունից այս մասին տեղյակ են պահել ոստիկանությանը։ Ավելի ուշ՝ ժամը 04․30-ի սահմաններում մարմնական վնասվածքներ ստացած տղամարդը հաղորդում է ներկայացրել ոստիկանությանը, որ դեռ 4 օր առաջ՝ փետրվարի 5-ին, ժամը 22․00-ին իրենց շենքում բնակվող 17-ամյա մի երիտասարդ իրեն անծանոթ երկու այլ երիտասարդների հետ իրենց շենքի շքամուտքի մոտ կենցաղային հարցերի շուրջ վիճաբանել են իր հետ, որի ընթացքում նրանք ձեռքերով ու ոտքերով հարվածել են իր մարմնի տարբեր մասերին՝ պատճառելով մարմնական վնասվածքներ։

4 օր անցել էլ՝ փետրվարի 9-ին, ժամը 02․00-ին 17-ամյա երիտասարդը իրենց շենքում բնակվող 24-ամյա մի տղայի հետ շենքի դիմաց իր հետ շարունակել են վիճաբանությունը նույն հարցի շուրջ՝ դարձյալ ձեռքերով ու ոտքերով հարվածներ հասցնելով իր մարմնի տարբեր մասերին, պատճառելով մարմնական վնասվածք։

Ոստիկանությունը ստուգել է ծեծկռտուքին մասնակից երեք անձանց սթափության աստիճանները։
Ոստիկանության Կումայրի բաժին հաղորդում է ներկայացրել նաև 17-ամյա երիտասարդի մայրը՝ բողոքելով, որ իրենց շենքում բնակվող 46-ամյա տղամարդը «Տիկ-Տոկ» սոցիալական հարթակում իր ուսանող որդուն անվանել է «գեղացի լակոտ», ինչի պատճառով էլ փետրվարի 5-ին շենքի շքամուտքում ծագել է վիճաբանություն, իր որդին հարվածներ է հասցրել նրան։

Ըստ բողոքի, 46-ամյա հարևանն էլ իր հերթին փետրվարի 9-ին նույն հարցի շուրջ ծագած վիճաբանության ժամանակ քաշքշել է և ձեռքով հարվածել է որդու դեմքին՝ պատճառելով մարմնական վնասվածք։ Փաստաթղթերը ուղարկվել են Շիրակի մարզային քննչական վարչություն։

Մանրամասն՝ սկզբնաղբյուրում

Հետևեք մեզ՝ այստեղ