Խորհուրդներ` Թբիլիսի այցելողներին
ԲԼՈԳԱշոտ Ասատրյանը ֆեյսբուքյան իր էջում գրում է.
1. Երևանից Թբիլիսի 260 կմ է (ցուցանակից ցուցանակ): Ճանապարհին առկա է 18 հատ արագաչափ, մեծ մասը Ապարանից Կիրովական ընկած ճանապարհին են:
2. Ձեր մոտի դրամները ցանկալի է փոխեք և լարի դարձնեք Կիրովականում, Արևիկ մարկետի կողքի չենջերում, ավելի լավն է կուրսը , քան Երևանում:
3. Բենզինի 1 լիտրի արժեքը 250 ՀՀ դրամին համարժեք լարի է: Եթե ցանկանում եք բենզին լցնել մեքենան , ապա սահմանը անցնելուց հենց առաջին բենզալցակայանից լցրեք, այդտեղ ամենաէժանն է ՝ 1.20 լարի , դրանից հետո 1.25-1.35 է դարնում:
4. Գազալցակայններ կան Թբիլիսի քաղաք մտնող ճանապարհի վրա, ամեն անգամ գազ լցնելու համար պետք է հասնեք այդտեղ, բայց գազը ավելի որակով է , քան մեր մոտինը, մի քիչ թանկ է :
5. Քաղաքում ցանկալի է շրջեք տաքսիներով, քանի որ երթևեկությունը շատ դժվար է: Տաքսիները հաշվիչով չեն , դրա համար մինչ նստելը գին պայմանավորվեք վարորդի հետ:
6. Եթե որոշել եք մեքենայով շրջել քաղաքում , ապա ավտոկայանատեղիների համար հատուկ գումար հատկացրեք: Մեքենան կայանելուց առաջ ճշտեք, արդյո՞ք կայանումը ժամավճարով է , թե ֆիքսված 1 կամ 2 լարի է :
7. Անպայման այցելեք McDonalds: Բացի ավանդական համբուրգերները ուտելուց, փորձեք նաև McFlurry պաղպաղակները:
8. Այցելեք նաև Մաճախելա և Չաշանագիրի ռեստորանները: Աշխարհի ամենահամով խինկալիները ուտելու համար:
9. Այցելեք քաղաքում գործող Smart սուպերմարկետների ցանց: Այստեղից կարող եք գնել լիքը համով ու հետաքրքիր բաներ: Քարֆուր չայցելեք, քանի որ ժամանակի անիմաստ կորուստ է:
10. Անպայման գնացեք փաբ:
11. Այցելեք Մարջենաշվիլի փողոցի վրայի խմորեղենների խանութ, անմահական քաղցրավենիքներ կան, որոնք չուտելը մեղք է համարվում:
12. Լեսելիձե փողոցի վրա փորձեք իսկական իտալական պաղպաղակ:
13. Չզարմանաք ռեստորանների , սուպերմակետների կամ այլ հաստատությունների սպասարկման ցածր որակից, վրացիները այդպիսին են : Կարող եք 7 ժամ ռեստորանում նստել , բայց ոչ մեկ չմոտենա: