Իրաքում նավթի արդյունահանումը կրճատվել է գրեթե 60%-ով՝ Մերձավոր Արևելքի հակամարտության պատճառով. Bloomberg

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իրաքում նավթի արդյունահանումը նվազել է գրեթե 60%-ով, քանի որ ԱՄՆ-ի, Իսրայելի և Իրանի մասնակցությամբ հակամարտությունը դանդաղեցնում է լցանավերի շարժը և խաթարում արտահանումը ռազմավարական նշանակություն ունեցող Հորմուզի նեղուցով, հայտնում է Bloomberg գործակալությունը։

Ըստ գործակալության աղբյուրների, ներկայիս արդյունահանումը կազմում է օրական 1,7-1,8 միլիոն բարել՝ մինչև ռազմական գործողությունների սրումը գրանցված շուրջ 4,3 միլիոն բարելի դիմաց։

«Անկումն արտացոլում է Պարսից ծոցում աճող լոգիստիկ ծանրաբեռնվածությունը, որտեղ ավելի ու ավելի քիչ լցանավեր կարող են հում նավթ բարձել», - հավելել են լրատվամիջոցի զրուցակիցները՝ ընդգծելով, որ պահեստարաններն արագորեն լցվում են, ինչը ստիպում է արտադրողներին կրճատել արդյունահանումը։

Իրաքը դարձավ Պարսից ծոցի նավթ արդյունահանող առաջին խոշոր երկիրը, որը հակամարտության պատճառով կրճատեց նավթի մատակարարումները։ Տարածաշրջանային խաթարումների տարածմանը զուգահեռ՝ նրան հետևեցին Արաբական Միացյալ Էմիրությունները և Քուվեյթը։

Հորմուզի նեղուցը՝ ծովային կարևորագույն ուղին, որին բաժին է ընկնում նավթի համաշխարհային արտահանման շուրջ 20%-ը, դեռևս բախվում է լուրջ խափանումների։

Ըստ Bloomberg-ի, լցանավերի սահմանափակ հասանելիության պատճառով Պարսից ծոցի նավթարտադրողներն ավելի ու ավելի հաճախ են պահեստավորում նավթը, թեև եղած հզորությունները սպառվում են։

Հետևեք մեզ՝ այստեղ