ԿԳՄՍ նախարարը նյարդային է արձագանքում Գզոյանի հեռացմանը

ԿԳՄՍ նախարար Ժաննա Անդրեասյանը հայտարարել է, թե Հայոց ցեղասպանության թանգարան ինստիտուտի տնօրենի վերականգնման հարց չկա։ Հարցին, թե ի՞նչ բացատրություն է ներկայացրել նախկին տնօրեն Էդիտա Գզոյանի ազատման մասին, նախարարն արձագանքել է նյարդային՝ բացատրություն ներկայացնելու կարիք չունի։ Պնդում է, թե գնահատում է Գզոյանին որպես գիտնականի, բայց վերջինս խախտել է իր պատասխանատվությունը։ Ի դեպ, երբ լրագրողները Անդրեասյանին հարցրել են՝ արդյոք Էդիտա Գզոյանը տեղեկացվել է արարողակարգի փոփոխության մասին, որը գործում էր տասնամյակներով, Ժաննա Անդրեասյանն արձագանքել է, որ այդ մասով ինքը չէ պատասխանատուն։

Նախարարի այս նյարդային պահվածքը վկայում է, որ իրենք էլ հրաշալի հասկանում են՝ Էդիտա Գզոյանին պարզապես քավության նոխազ են դարձրել իրենց դիլետանտության պատճառով և պարտադրել են հրաժարականի դիմում ներկայացնել ու հեռանալ, քանի որ գլխավոր պատասխանատուն, ով հենց ԿԳՄՍ նախարար Ժաննա Անդրեասյանն է, թերացել է իր աշխատանքում։ Հիշեցնենք, Փաշինյանն էլ հաստատել էր, որ Գզոյանին պարտադրել է հեռանալ ԱՄՆ փոխնախագահ Ջեյ Դի Վենսի Ցեղասպանության հուշահամալիր այցից և նրան Արցախյան հակամարտության վերաբերյալ գիրք նվիրելու պատճառով։

Մեր տեղեկություններով՝ որևէ մեկը՝ Փաշինյանի աշխատակազմից, Գզոյանին չէր տեղեկացրել, թե ինչ պետք է խոսի կամ ներկայացնի ԱՄՆ փոխնախագահին, և այսօր անվանի գիտնականին պարզապես հեռացնում են առանց հստակ և ողջամիտ բացատրության և փաստարկի։ Իրականում հենց Փաշինյանի ենթակաները պետք է պատասխանատու լինեին, եթե ինչ–որ բան սխալ էին արել։ Իսկ գործող իշխանությունները չափազանց նյարդային են տանում բոլոր նման դրսևորումները, երբ խոսքը վերաբերում է «Արցախին»։

Մանե Կիրակոսյան