Դաժան պատմություն․ բժիշկները 1 տարեկան երեխայի կյանքի համար պայքարում են, իսկ երեխայի քույրն առողջական խնդիրներ ունի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Մարտի 16-ին արտառոց դեպք էր տեղի ունեցել. «կլինիկական մահ» ախտորոշմամբ Երևանի «Արաբկիր» բժշկական կենտրոն էր տեղափոխվել տղա երեխա։

Արաբկիրի ոստիկանները պարզել էին, որ հիվանդանոց տեղափոխվածը 1 տարեկան 2 ամսական Ալեքսան Մ.-ն է, և ըստ օպերատիվ տեղեկությունների՝ երեխային ծեծի է ենթարկել ծնողներից մեկը։

MediaHub-ի տեղեկություններով՝ երեխային դաժան ծեծի է ենթարկել երեխայի խորթ մայրը, որը ձերբակալվել, ապա կալանավորվել է։

Իսկ ինչպե՞ս է երեխայի առողջական վիճակը. MediaHub-ին «Արաբկիր» բժշկական կենտրոնից հայտնեցին, որ մարտի 16-ին «Արաբկիր» բժշկական համալիր ընդունված մեկ տարեկան երեխայի առողջական վիճակը շարունակում է մնալ ծանր։  Բժիշկները պայքարում են երեխայի կյանքի համար։

Նշենք, որ Արաբկիր վարչական շրջանում 1 տարեկան երեխայի նկատմամբ 2026 թվականի հունվարի 22-ից մինչև մարտի 10-ը ներառյալ պարբերաբար գործադրվել է ֆիզիկական ներգործության։  Այս մասին MediaHub-ին հայտնել են դատախազությունից։  

Նշենք, որ երեխայի ընտանիքի պատմությունը բավականին դաժան է․ մամուլում գրվեց, որ երեխայի տատը ասել է, այն տունը որտեղ ողբերգությունը եղել է, երեխան ոչ մի արյունակից էլ չի ունեցել: 

Պաշտոնական հաղորդագրություններում «հայր» անվանվողը երեխայի կենսաբանական հայրը չէ, այդ տղամարդը իր մյուս թոռան՝ հնգամյա աղջնակի հայրն է։

Երեխայի մոր չորս երեխաներից երկուսը խնամքի հաստատությունում են, հնգամյա աղջնակը մինչև երեկ տարեց տատիկների խնամքին էր, այժմ՝ խնամքի կենտրոնում։ Ի դեպ, երեկվա տվյալներով մայրը տեղյակ չէր, որ իր հնգամյա դստերը տարել են խնամքի կենտրոն։ Աղջնակի վիճակի մասին MediaHub-ը հետաքրքրվեց ՀՕՖ-ից։ «Երեխային տարել էին բժշկական ստուգումների, որտեղ առողջական ինչ-որ խնդիրներ էին նկատել. այս պահին հետազոտություններ է անցնում, որից հետո երեխան կշարունակի մնալ կենտրոնում»։

Ինչ վերաբերում է մեկ տարեկան տղային, ով դեռ բավականին ծանր վիճակում է, ՀՕՖ-ից հայտնեցին, որ դեռ չեն կարող ասել՝ առողջանալուց հետո ո՞ւր կտանեն նրան։ Ընտանիք վերադարձը բացառված է, թե՝ ոչ, դեռ պարզ չէ, սակայն, ամենայն հավանականությամբ, կտանեն խնամքի կենտրոն։

Հետևեք մեզ՝ այստեղ