Սուդանում հիվանդանոցին hասցված hարվածի զոhերի թիվը հասել է 70-ի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Սուդանում հիվանդանոցին հասցված հարվածի հետևանքով զոհերի թիվը հասել է 70-ի, այդ թվում՝ 13 երեխա: Այս մասին Ժնևում կայացած ճեպազրույցի ժամանակ հայտնել է Սուդանում ԱՀԿ առողջապահական արտակարգ իրավիճակների գծով ղեկավար Հալա Խուդարին, հաղորդում է ՌԻԱ Նովոստի-ն։

Ըստ նրա հաղորդման՝ Էդ-Դաեյն քաղաքի հիվանդանոցը հարվածի է ենթարկվել մարտի 20-ի երեկոյան: Նախնական տվյալներով հաղորդվում էր 64 զոհի և 89 վիրավորի մասին, սակայն որոնողական աշխատանքներից հետո զոհերի թիվն աճել է՝ հասնելով 70-ի, որոնց թվում են 7 կին, 13 երեխա, 1 բժիշկ և 2 բուժքույր: Միևնույն ժամանակ, վիրավորների թիվը հասել է 146-ի, ներառյալ պացիենտները, նրանց ուղեկցող ընտանիքի անդամները և ութ բուժաշխատողներ:

Ինչպես նշում է Առողջապահության համաշխարհային կազմակերպությունը, Էդ-Դաեյնի հոսպիտալը սպասարկում էր շուրջ 2 միլիոն մարդու Արևելյան Դարֆուրի ինը շրջաններում: Դրա ավերումը զգալիորեն նվազեցնում է անհրաժեշտ բժշկական օգնության հասանելիությունը մի տարածաշրջանում, որը լուրջ տուժել է 2023 թվականից ի վեր շարունակվող հակամարտությունից:

ԱՀԿ-ն հաստատել է, որ 2023 թվականի ապրիլի 15-ից ի վեր Սուդանում բժշկական հաստատությունների վրա իրականացվել է 213 հարձակում, որոնց հետևանքով զոհվել է 2042 մարդ: Կազմակերպությունը կոչ է անում հակամարտող բոլոր կողմերին պահպանել միջազգային հումանիտար իրավունքը, որն արգելում է հարձակումները խաղաղ բնակչության և քաղաքացիական ենթակառուցվածքների վրա:

Հիշեցնենք, որ 2023 թվականի ապրիլի 15-ից Սուդանում դաժան մարտեր են ընթանում կանոնավոր բանակի և Մուհամմեդ Համդան Դագլոյի հրամանատարության տակ գտնվող արագ արձագանքման ուժերի միջև:

Հետևեք մեզ՝ այստեղ