«Ես այն եմ, ինչ որ կամ, ուզում եմ, որ իմ տղամարդն ինձ նայի որպես սովորական մարդու...». Լուսինե Պողոսյանը իր կյանքի տղամարդու մասին

Երգչուհի, ով այնպիսին է, ինչպիսին կա, ով թեև ոչ հաճախ, բայց ժամանակ առ ժամանակ հայտնվում է՝ իր սկանդալային լուսանկարներով ու տեսահոլովակներով բարձրացնելով սկանդալների ու բամբասանքների մի մեծ ալիք:

Ի տարբերություն շատերի՝ նրան շատ հաճախ են սիրավեպ վերագրում այս կամ այն ազդեցիկ տղամարդու հետ, սակայն պատասխանելու և պարզաբանելու փոխարեն նա ընտրում է լռելու տարբերակը: Երգչուհի, ով չի սիրում խորանալ բամբասանքների մեջ, անկեղծ է ու հավատով սպասում է լուսավոր ապագային:

Այսօր Past.am-ը ներկայացնում է երգչուհի Լուսինե Պողոսյանի անձնական ու ստեղծագործական կյանքի որոշ մանրամասներ:

Վերջերս Լուսինե Պողոսյանը Մհերի հետ ներկայացրեց նոր երգ ու տեսահոլովակ, որը բավականին մեծ աղմուկ բարձրացրեց համացանցում: Ինչպես գիտենք, երգչուհին, բացի տեսահոլովակները նկարահանելուց, աշխատում է նաև ակումբներում ու ռեստորաններում, ինչի համար նա չի ամաչում:

«Ռեստորաններում ու ակումբներում երգելն ինձ այնքան բան է տվել, որ նույնսկ բեմի վրա ես այդքան բան չէի սովորի»,- ասում է նա:

Նրա անվան հետ կապել են բազմաթիվ սիրավեպեր տարբեր ազդեցիկ տղամարդկանց հետ: Նման բամբասանքներին երգչուհին ուշադրություն չի դարձնում և իր հարցազրույցներից մեկի ժամանակ նշել է.

«Եթե Լուսինե Պողոսյանը հարուստ հովանավոր ունի, նշանակում է՝ ապահովված է ապրում: Այդ դեպքում չեմ կարող հասկանալ, թե ինչու է աշխատում ռեստորանում կամ ակումբում, ինչու ամիսը 10 տեսահոլովակի փոխարեն 2 տարին մեկ է նկարահանում: Բամբասելիս գոնե պետք է ուսումնասիրեն, թե մարդն ինչ ակտիվությամբ է գործունեություն ծավալում: Դժբախտաբար, ոչ մի հովանավոր, օգնող չունեմ, այն, ինչ անում եմ, անում եմ իմ ուժերով»:

Ասելով Լուսինե Պողոսյանին հիշում ենք երգչուհու «Ինչ, որ կամ» տեսահոլովակը, որտեղ նա ներկայանում էր մերկ կերպարով: Տեսահոլովակի ռեժիսորը Հրանտ Երիցկինյանն է, ով փորձել է երգչուհուց ստանալ կերպար, որը կտարբերվի նրա մյուս կերպարներից:

«Այդ կերպարի մտահաղացումը եղել է իմը և Հրանտինը: Երգը գրված է հենց իմ կյանքի մասին, այսինքն՝ ինչպիսին, որ կամ: Ներկայացել եմ երեք կերպարով: Առաջին կերպարում մերկ եմ, երկրորդում` ռետրո կերպարի մեջ եմ, իսկ երրորդում` այնպիսին, ինչպիսին կամ` առանց շպարի, առանց ավելորդ միջամտությունների: Երեք կերպարն էլ համադրել ենք մեկը մյուսի հետ, այսինքն և´ առաջինն եմ, և´ երկրորդն եմ, և´ երրորդը: Ինձ համար հաճելի էր այդ կերպարը, այդպիսի բան դեռ ոչ ոք չէր արել»:

Լուսինե Պողոսյան երգչուհու կյանքում դեռ ոչ ոք չկա, չնայած չի թաքցնում, որ իր կյանքում եղել է մեկը, ում անգամ նվիրված երգ ունի:

«Ունեցել եմ կորցրած սեր, ում երգ եմ նվիրել: Ընդհանրապես, իմ բոլոր երգերն էլ իմ ապրումներից են ծնվել, հոգեվիճակից»,- խոստովանում է նա:

Չնայած կյանքում ունեցած իր անկումներին ու դժվարություններին՝ նա միշտ առաջ է շարժվում և չի կորցնում հույսը, որ կգա նա, ում կսիրի անմոռաց:

«Նախ՝ նա ինձ պետք է որպես Լուսինե Պողոսյան երգչուհի չնայի, ով բեմի մարդ է: Շատ հաճախ հենց դա է ինձ խանգարում՝ մարդկանց մոտ չեմ թողնում: Ես ուզում եմ, որ իմ տղամարդն ինձ նայի որպես սովորական մարդու, ով կարող է լավ կին լինել և՛ ընտանիքում, և՛ խոհանոցում, լավ մայր լինել, կյանքի ընկեր»,- ասում է նա:

Պատրաստեց Past.am-ը: