«Սորոսականները» խիստ դժգոհ են ՔՊ ընտրական ցուցակից

Նիկոլ Փաշինյանը երեկ հրապարակել է Ազգային ժողովի հերթական ընտրություններում «Քաղաքացիական պայմանագիր» կուսակցության ընտրական ցուցակի նախագիծը, որում 283 անուն է։ Հիշեցնենք՝ թեկնածու դառնալու հայտ ներկայացրել է 287 անձ, նրանցից 4-ին ընթացքում ՔՊ վարչությունը խոտանել և դուրս է գցել՝ պարզելով, որ վերջիններս ոչ օրինական մեթոդների են դիմել քվեներ հավաքելու համար։ Հրապարակված ցուցակը բավական տարօրինակ է և ուշագրավ եզրակացությունների տեղիք է տալիս։

ՔՊ մեր աղբյուրների փոխանցմամբ՝ ձևավորված ընտրական ցուցակից ամենաշատը դժգոհ են այսպես կոչված «սորոսական» թևը։ Եթե այդ թևի կարկառուն ներկայացուցիչ Ռուբեն Ռուբինյանը 7-րդ տեղում է, ապա այլ ազդեցիկ սորոսականներ չափազանց հետ են գտնվում։ Օրինակ՝ տխրահռչակ Մարիա Կարապետյանը 75-րդն է, «Թրանսփարենսի Ինթերնեշնլ»-ի նախկին աշխատակից Հերիքնազ Տիգրանյանը՝ 96-րդը։ Եթե Կարապետյանը նույնիսկ կարող է տեսականորեն հույսեր փայփայել, որ կլինի նոր խորհրդարանում, ապա Հերիքնազ Տիգրանյանի դեպքում նույնիսկ այդ հույսերն են բացակայում։

Ըստ էության, «սորոսական» թևը կորցրել է իր լծակները կուսակցությունում և 2026 թվականի խորհրդարանում չափազանց քիչ է ներկայացված լինելու։ Սա, ի դեպ, բավականին լուրջ հարված է նրանց դիրքերին։ «Քաղաքացիական պայմանագիր»-ն այսօր նաև համաժողով է անելու, հաստատելու է կուսակցության ծրագիրը ընտրություններում և ընտրական ցուցակն ամբողջությամբ։ ՔՊ-ն արդեն իսկ ամեն ինչ արել է, որպեսզի համաժողովն անցնի առանց էքսցեսների և սկանդալների։ Նույնիսկ վաղ առավոտից արգելել են լրագրողների մոտենալ մարզամերգային համալիրին և լուսաբանել կատարվողը։

Մոնիկա Կիրակոսյան