Իրանի ՆԳՆ-ն հաստատել է խորհրդարանական ընտրությունների 6223 թեկնածուների ցուցակը

 Իրանի ներքին գործերի  նախարարությունը հայտարարել Է մեջլիսի (խորհրդարան)  ընտրությունների 6223 թեկնածուների վերջնական ցուցակի հաստատման մասին. ընտրությունները տեղի են ունենալու փետրվարի 26-ին, տեղեկացնում Է «Արմենպրես»-ը՝ հղում անելով ԻՌՆԱ գործակալությանը:

Իրանի ՆԳ նախարարությունը վերջին ատյանն Է, որն ստուգում Է թեկնածուների համապատասխանությունը ապագա ժողովրդական ընտրյալներին ներկայացվող պահանջներին: Նախօրյակին Դիտորդական խորհուրդը, որն անցկացրել Է հավակնորդների հիմնական ատեստավորումը, ցուցակը հանձնել Է Իսլամական Հանրապետության  ՆԳ նախարարությանը: 

Ըստ Կենտրոնական ընտրական հանձնաժողովի տվյալների, սկզբնապես մասնակցության հայտ Էր ներկայացրել 12 հազար123 մարդ:

Իրանի օրենսդիր մարմնի տեղերի համար պաշտոնական ընտրարշավը թույլատրված Է անցկացնել փետրվարի 18-ից մինչեւ 24-ը: 

Ուղղակի խորհրդարանական ընտրությունների եզրափակիչ փուլ հասած թեկնածուները մեջլիսում պայքարելու են 290 տեղի համար: Ինչպես նշում Է ԻՌՆԱ գործակալությունը, տեղերից յուրաքանչյուրին հավակնում Է 20-ից ավելի մարդ: Խորհրդարանի ընտրություններն անցկացվում են քաղաքացիների ուղղակի քվեարկության ճանապարհով: Պատգամավորները մանդատն ստանում են չորս տարով: 

Մեջլիսի ընտրությունների հետ միաժամանակ անցկացվելու են նաեւ Փորձագետների խորհրդի ընտրությունները: Խորհրդի 88 տեղին հավակնում Է 161 թեկնածու: Երկրի ղեկավար մարմիններից մեկում, նույնպես ուղղակի քվեարկության ճանապարհով, ազդեցիկ աստվածաբաններ ու շարիաթի գիտակներ են ընտրվում 8 տարի ժամկետով: Խորհրդի հիմնական խնդիրը նրա կազմից Իսլամական Հանրապետության ղեկավարին եւ հոգեւոր առաջնորդին ընտրելն Է, հաղորդել Է ՏԱՍՍ-ը: