Մոսկվայի հայկական եկեղեցու կառուցման գործում մեծ ներդրում է ունեցել Սամվել Կարապետյանը (տեսանյութ)

Մոսկվայի սրտում գտնվող հայկական եկեղեցին Հայաստանից դուրս գտնվող հայկական ամենամեծ  եկեղեցական համալիրն է, որի  oծման և  բացման հանդիսավոր արարողությունը տեղի ունեցավ 2013 թվականին։

Այսօր համալիրը միավորում է Ռուսաստանի հազարավոր հայերի, պահպանելով ազգային ինքնությունը և դառնալով հայկական համայնքի հոգևոր և մշակութային հենասյունը։  

Հոգևոր այս կենտրոնի կառուցման գործում իր մեծ ներդրումն է ունեցել ազգային բարերար Սամվել Կարապետյանը՝ նվիրաբերելով 14 մլն դոլար։ Հայտնում են «Ուժեղ Հայաստան» կուսակցությունից։

 Նոր Նախիջևանի և Ռուսաստանի հայոց թեմի եկեղեցական համալիրը զբաղեցնում է 1,32 հա տարածք: Ընդգրկում է Սուրբ Պայծառակերպություն Մայր տաճարը, Ս. Խաչ եկեղեցին, առաջնորդարանի շենքը, կրթամշակութային, վարչական և հյուրանոցային մասնաշենքերը։  Ունի սեղանատուն, հանդիսությունների սրահներ, թանգարան և օժանդակ այլ կառույցներ:

Եկեղեցական համալիրը կառուցված է բաց ծիրանագույն, իսկ Մայր Տաճարը Հայոց պատմական մայրաքաղաք Անիին հարակից քարհանքերից բերված վարդագույն տուֆով:

Եկեղեցուն կից գործում է Ներսես Շնորհալու անվան վաժարանն ու հայորդաց տունը, որը ևս կառուցվել է բարերարի նվիրաբերած միջոցներով։

Այնտեղ ավելի քան երկու տասնամյակ ազգային բարերարի մեկենասությամբ հայկական կրթություն են ստանում հազարավոր հայորդիեր։  

Կարապետյան ընտանիքի կողմից  տարիներ շարունակ  Հայ  առաքելական եկեղեցուն են նվիրաբերվել նաև գրքերի թանկարժեք հավաքածուներ ու սրբապատկերներ, պատմամշակութային  բացառիկ նմուշներ։  

Դրանցից են Սամվել և Էթերի Կարապետյան ամուսինների` եկեղեցուն նվիրած եբրայերեն Տասնաբանյա պատվիրանների փայտյա տապանակը, ինչպես նաև 1881 թվականի հոկտեմբերի 10-ին Մոսկվայում տպագրված ռուսական թերթերից մեկի առաջին էջը, որտեղ պատկերված է Արարատյան դաշտավայրը հետևյալ գրությամբ՝ Արարատ լեռը Հայաստանում։