Արքայախնձորը կթունազերծի մարմինը, կբարակացնի իրանն ու կձգի կրծքերը

Life.panorama.am-ը գրում է.

Հաճախ մոռանում ենք այս արևադարձային մրգի առողջարար հատկությունների մասին։ Բացի հաճելի համից՝ արքայախնձորը պարունակում է օրգանիզմի համար կարևոր նյութեր, ինչպիսիք են վիտամին C-ն, մանգանը, պղինձը։ Այս համեղ միրգը նաև բրոմելեյն սպիտակուցի միակ աղբյուրն է։

Բրոմելեյնը չափազանց առողջարար է հատկապես իմունային համակարգի գործունեության համար։ Այն կանխում է քաղցկեղը, արագացնում վերքերի բուժումը և բարելավում մարսողական համակարգի գործունեությունը։ Բրոմելեյնը պաշտպանում է նաև ազատ ռադիկալների բացասական հետևանքներից։

Առողջության մասնագետները նշում են, որ արքայախնձորը պարունակում է հակաօքսիդանտների մի ամբողջ շարք և համարվում է հակաքաղցկեղածին միրգ։ Կանանց համար այս միրգը անգնահատելի է․այն պարունակում է նյութեր, որոնք վերականգնում են մաշկի մանրաթելերի առաձգականությունը և այդպիսով երիտասարդացնում մաշկը։ Այս ազդեցությունը հատկապես տեսանելի է կանանց կրծքերի վրա, որոնք տարիների ընթացքում կորցնում են իրենց ձևը։

1 բաժակ արքայախնձորի հյութն ընդամենը 130 կալորիա է պարունակում, որի մեջ առկա է 33մգ կալցիում և 30մգ մագնեզիում, ինչպես նաև 25մգ վիտամին C, որը օրգանիզմին օրական անհրաժեշտ վիտամին C-ի 30 տոկոսն է։ Արքայախնձորի հյութը պարունակում է նաև երկաթ։

Շնորհիվ այս ամենի՝ արքայախնձորի հյութը շատ արագ նիհարեցնում է, այրում է ցելյուլիտը, պայքարում կնճիռների և ծերացման նշանների դեմ, ինչպես նաև հիասքանչ ազդեցություն է ունենում կրծքերի մկանների վրա։ Անանասը կարող է կրծքերը դարձնել պիրկ, ինչպես երիտասարդ տարիքում էր։

Լավագույն արդյունքներ ունենում է  թարմ անանաս ուտելը, բայց կարելի է նաև խմել հյութը, ուտել այն չորացված կամ պահածոյացված տարբերակով։