Shopping-ն անխուսափելի է, երբ միասին ենք. Ում հետ է Գայանե Ավետիսյանը մեկնել Դուբայ (լուսանկարներ)

Գրեթե մեկ ամիս է, ինչ դերասանուհի, բանաստեղծուհի Գայանե Ավետիսյանը Արաբական Միացյալ Էմիրություններում վայելում է ձմեռային հանգիստը: Life.panorama.am-ին «Դոմինո» սիթքոմի դերասանուհին պատմեց, որ հանգիստը վայելում է ընտանեկան միջավայրում.

«Երեք շաբաթից ավելի է, ինչ վայելում եմ իմ ձմեռային, ընտանեկան հանգիստը Արաբական Միացյալ Էմիրությունների մայրաքաղաքում՝ Աբու Դաբիում. Մայրիկիս հետ եկել ենք քրոջս՝ Արմինեին, այցելության, ով ապրում է այստեղ: Գրեթե ամեն տարի ձմռանը այստեղ ենք լինում, այս տարի էլ հասցրեցի փախչել գործերից ու հանգստանալ»,- նշեց Գայանեն ու հավելեց. «Սիրում եմ արեւը, ծովը, նախընտրում եմ հանգստի այս տարբերակը: Գերզբաղված աշխատանքից հետո իսկապես հաճելի է առավոտները ծովափին քայլել, հանգիստ սուրճ խմել, նախաճաշել եւ սպորտով զբաղվել, իսկ այդ ամենը հարազատներիս ներկայությամբ էլ ավելի ջերմ է ու հաճելի: Այստեղ իսկապես օրերս շատ հետաքրքիր են անցնում, հաճախում ենք ցուցահանդեսների, համերգների, իսկ մի քանի օրից ներկա կլինեմ իմ շատ սիրելի «Resuscitation» թատրոնի «Արտասվող գայլեր» ներկայացման պրեմիերային, որին այս տարի նկարահանումներիս պատճառով, ցավոք, չկարողացա անձամբ մասնակցել»:

Գայանե Ավետիսյանը այս օրերին վայելում է քրոջ ներկայությունն ու սփոփում կարոտը. «Քրոջս հետ շատ հետաքրքիր է անցնում ժամանակը՝ հագեցած ամենաջերմ վայրկյաններով, անկեղծությամբ եւ սիրով: Նրա հետ չենք մոռանում նաեւ «Shopping»-ի մասին, որն անխուսափելի է միշտ, երբ երկուսով ենք»,- ծիծաղելով պատմեց դերասանուհին:

Ի դեպ, օրեր առաջ՝ փետրվարի 13-ին, երբ Հայ Առաքելական Եկեղեցին նշում է Տեառընդառաջի օրը, Գայանեն այցելել է տեղի հայկական եկեղեցի. «Տեառընդառաջի օրը այստեղ այցելեցի Աբու Դաբիում գտնվող Հայ Առաքելական Եկեղեցի, մասնակցեցի պատարագին:  Ի դեպ, այստեղ հրաշալի հայրենասեր հայրենակիցներ ունենք, որոնց հետ լավ ժամանակ անցկացրեցինք»,- նշեց նա:

Գայանեն Երեւան կվերադառնա մոտ օրերս. «Մի քանի օր անց արդեն կվերադառնամ Երեւան եւ միանգամից նոր, թարմ ուժերով և, իհարկե, հրաշալի տրամադրությամբ կանցնեմ աշխատանքիս՝ նկարահանումների հետաքրքիր եւ արդեն կարոտած ընթացքին»,- ավարտեց դերասանուհին:

Հեղինակ՝ Անուշիկ Մելքոնյան