ԱՄԷ-ն հայտարարել է իրանական երեք հրթիռների որսման մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին            

Արաբական Միացյալ Էմիրությունները երկուշաբթի հայտարարել են, որ իրենց զինված ուժերը որսացել են Իրանի արձակած երեք հրթիռ, իսկ չորրորդն ընկել է ծովը՝ Մերձավոր Արևելքում պատերազմի փխրուն հրադադարից գրեթե մեկ ամիս անց. հայտնում է Al Arabiya-ն:

Տագնապը հայտարարվել է այն բանից անմիջապես հետո, երբ իշխանությունները չեղարկել էին ավելի վաղ արված նախազգուշացումը:

Արաբական Միացյալ Էմիրությունները պաշտպանության նախարարության տվյալներով՝ բոլոր հրթիռները որսացվել են ԱՄԷ-ի տարածքային ջրերի վրա:

«Երկրի հեռավոր շրջաններում լսվող ձայները օդային սպառնալիքների հաջող որսման արդյունք են»,- ասվում է նախարարության հայտարարության մեջ, որը հրապարակվել է X սոցիալական ցանցում:

Առաջին նախազգուշացման ժամանակ բնակիչներին առաջարկվել էր «անմիջապես պատսպարվել մոտակա պահպանվող շենքում»: Ավելի ուշ իշխանությունները հետ են կանչել նախազգուշացումը՝ ուղարկելով լրացուցիչ հաղորդագրություն, որում ասվում էր. «Հավաստիացնում ենք ձեզ, որ ներկայում իրավիճակն անվտանգ է»:

Ավելի վաղ՝ երկուշաբթի օրը, ԱՄԷ-ն հայտարարել էր շրջափակված Հորմուզի նեղուցում ADNOC-ի նավթային լցանավի վրա իրանական անօդաչու թռչող սարքի հարձակման մասին՝ այն ժամանակ, երբ Միացյալ Նահանգները պատրաստվում էր սկսել նավերի ուղեկցումն այդ ջրային ուղով:

Երկու անօդաչու թռչող սարքեր հարվածել են MV Barakah նավին Օմանի ափերի մոտ, սակայն տուժածների մասին տեղեկություններ չեն ստացվել, հայտնել է Արաբական Միացյալ Էմիրությունների պետական նավթային հսկա ADNOC-ը՝ հավելելով, որ նավը բեռ չէր տեղափոխում:

Հետևեք մեզ՝ այստեղ