ՊԱՏՄՈՒԹՅԱՆ ԱՅՍ ՕՐԸ (12 մայիս). Առաջին համակարգիչը, ամենահզոր ցանցային որդը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Բուժքրոջ համաշխարհային օր, Վրաստան՝ Սուրբ Անդրիա առաքյալի օր, Լուգանսկի Ժողովրդական Հանրապետություն՝ Անկախության օր։

ՀԱՅ-ՀԱՅԱՍՏԱՆ

1753 -վախճանվել է Ամենայն հայոց կաթողիկոս Մինաս Ա Ակնեցին։

1889 -վախճանվել է հրապարակախոս, խմբագիր Զարմայր Մսերյանը։

1913 -ծնվել է ռուսաստանցի հայազգի աստղագետ Թադևոս Աղեկյանը։

1920-խորհրդային զորքերը մտել են Ղարաբաղ, գեներալ Դրոն ընդունել է վերջնագիրը և լքել Ղարաբաղը, Ղարաբաղի տարածքում իշխանություն են դարձել մուսուլմանական հեղկոմը Շուշիում և հայկական հեղկոմը Թաղավարդում։

1921- ծնվել է կոմպոզիտոր, երաժշտական և հասարակական գործիչ Էդուարդ Միրզոյանը։

1941-ծնվել է կինոօպերատոր Ռուդոլֆ Վաթինյանը։

1994-հրադադարի հաստատմամբ պաշտոնապես ավարտվել է Ղարաբաղյան առաջին պատերազմը։

2006-Հայաստանի Ազգային ժողովի խոսնակ Արթուր Բաղդասարյանը հայտարարել է իր հրաժարականի մասին:

2007-տեղի են ունեցել Ազգային ժողովի ընտրությունները, որտեղ համամասնական ընտրակարգով մեծամասնություն է ստացել ՀՀԿ-ն, նրան հաջորդել են ԲՀԿ-ն և ՀՅԴ-ն։

2008- Բեյրութում հրկիզվել է «Սևան» հայկական ռադիոկայանը, որը գործել է կառավարամետ ուժերի հովանու ներքո, ինչի պատճառով էլ դարձել է ընդդիմադիր «Հեզբոլլահ» շարժման զինյալների թիրախ:

2010-«Արտաշատի պահածոների գործարան» ընկերությունը հյութերի արտադրման նոր հոսքագիծ է բացել։

2012-Հայաստանի վարչապետ է դարձել Անդրանիկ Մարգարյանը։

2014-Կարեն Դեմիրճյանի անվան մարզահամերգային համալիրում համերգով հանդես է եկել աշխարհահռչակ շանսոնյե Շառլ Ազնավուրը:

2018-Հայաստանի նախագահը նոր նախարարներ և փոխվարչապետ է նշանակել, որով իսկ ամբողջությամբ ձևավորվել է կառավարությունը, փոխվարչապետ է նշանակվել Մհեր Գրիգորյանը։

2021-ադրբեջանցիները Վարդենիսի Վերին Շորժա բնակավայրի մոտ առաջ են շարժվել՝ 3 կիլոմետր խորանալով Հայաստանի տարածքում, և սկսել խրամատներ փորել:

2022-ոստիկանությունը խուզարկություն է իրականացրել «5165» շարժման համախոհ, «Արար» հիմնադրամի համահիմնադիր, հասարակական-քաղաքական գործիչ Ավետիք Չալաբյանի բնակարանում, ապա նրան բերման ենթարկել:

ԱՇԽԱՐՀ

1311 -ինկվիզիցիան Ֆրանսիայում հրապարակայնորեն մահապատժի է ենթարկել տամպլիյերների օրդենի 54 ազդեցիկ գործչի։

1551- Պերուի մայրաքաղաք Լիմայում հիմնվել է Ամերիկայի ամենահին՝ Սան-Մարկոս համալսարանը։

1780 -ԱՄՆ-ի անկախության պատերազմի ընթացքում շրջափակումից հետո հանձնվել է Չարլտոնը, որը եղել է Կոնտինենտալ բանակի խոշոր պարտությունը։

1797 -Վենետիկն ընդունել է գեներալ Բոնապարտի վերջնագիրը, դադարել է գոյություն ունենալ Վենետիկի Հանրապետությունը։

1798 -վախճանվել է անգլիացի ծովագնաց և հետազոտող Ջորջ Վանկուվերը։

1830 -հայտարարվել է Էկվադոր անվամբ հանրապետության ստեղծումը։

1832- Միլանում տեղի է ունեցել Գաետանո Դոնիցետիի «Սիրո ըմպելիք» օպերայի պրեմիերան։

1842- ծնվել է ֆրանսիացի նշանավոր երգահան Ժյուլ Մասնեն։

1845 -վախճանվել է գերմանացի պատմաբան, գրաքննադատ, բանաստեղծ և թարգմանիչ Ավգուստ Վիլհելմ Շլեգելը։

1888 -Հյուսիսային Բոռնեոյի նկատմամբ սահմանվել է բրիտանական կառավարում։

1926- Լեհաստանում տեղի է ունեցել հեղաշրջում, հաստատվել է Յուզեֆ Պիլսուդսկու ռեժիմը։

1933 -ծնվել է ռուս պոետ Անդրեյ Վոզնեսենսկին։

1935 -ամերիկյան Օհայո նահանգի Ակրոն քաղաքում հիմնադրվել է «Անանուն ալկոհոլիկների» առաջին ակումբը։

1941- գերմանացի գիտնական Կոնրադ Ցուզեն հանրությանն է ներկայացրել իր ստեղծած՝ աշխարհում առաջին Z3 համակարգիչը։

1944 -Երկրորդ համաշխարհային պատերազմի ժամանակ Ղրիմի լրիվ ազատագրմամբ ավարտվել է խորհրդային զորքերի ղրիմյան հարձակողական գործողությունը։

1962 -ՀԱՀ-ում մահապատիժ է սահմանվել սաբոտաժի համար։

2002 -Բայկոնուր տիեզերակայանում շենքի տանիքի փլուզման արդյունքում լրիվ ոչնչացել է խորհրդային «Բուրան» տիեզերանավը։

2006- իրանական թերթում ադրբեջաներենը ծաղրող նկարի տպագրության պատճառով երկրի հյուսիսում տեղի են ունեցել ադրբեջանցիների զանգվածային ցույցեր:

2008- Չինաստանի Սիչուան նահանգում տեղի ունեցած երկրաշարժի հետևանքով զոհվել է մոտ 70000 մարդ։

2017 -սկսել է տարածվել WannaCry ցանցային որդը, որը աշխարհի մոտ 150 երկրներում վարակել է մոտ 200000 Microsoft Windows համակարգիչ։

2020 -վախճանվել է կինոյի և թատրոնի ֆրանսիացի դերասան, կինոռեժիսոր Միշել Պիկկոլին:

2022 -հորիզոնի իրադարձությունների աստղադիտակը ստացել է Sgr A սև անցքի գերմասսիվ պատկերը:

Մանրամասները՝ «Փաստ» օրաթերթի այսօրվա համարում