Խնամված դեմք ունենալու գաղտնիքներ

Բոլորս էլ ուզում ենք գեղեցիկ և խնամված տեսք ունենալ: Բայց դա հենց այնպես չի լինում:

Past.am-ը ձեզ է ներկայացնում դեմքի խնամքի մի քանի կարևոր միջոցներ: Որպեսզի ձեր հայացքը լինի թարմ և պայծառ, առաջարկում ենք շատ արդյունավետ դիմակ աչքերի շուրջ:

Այս դիմակի գաղտնի բաղադրիչն է բանանը: Բանանը շատ լավ խոնավեցնում է, սնուցում է և իր մեջ եղած օգտակար բաղադրիչները ավելի էլաստիկ են դարձնում մեր մաշկը, ինչպես նաև թարմացնում, սպիտակեցնում և լավացնում է մաշկի գույնը:

Մեզ անհրաժեշտ է՝ 1 ճ.գ. տրորած բանան, նույն քանակությամբ փափկեցրած կարագի հետ խառնել: Մասսան դնելով աչքերի շուրջ՝ թեթևակի մատների հպումով մերսեք: Թողնել 20 րոպե, այնուհետև լվացվեք գոլ ջրով:

1. Որպեսզի առավոտյան գեղեցիկ տեսք ունենաք, նախ պետք է սկսել խնամքը երեկոյան քնելուց առաջ, իսկ դա նշանակում է, որ պետք է մաքրեք ձեր դեմքը ավելորդ շպարից և օրվա ընթացքում դեմքի վրա կուտակված մանրէներից: Դա անում ենք հատուկ լոսյոնների կամ այլ՝ ձեր նախընտրելի քսուկների օգնությամբ:

2. Դեմքին թարմություն և առողջ տեսք պարգևելու համար արեք հետևալը. պատրաստեք երիցուկի կամ այլ խոտաբույսի թուրմ (դա կարող է լինել անանուխ, ուրց կամ այլ խոտաբույս), սառեցրեք, լցրեք սառույցի համար նախատեսված տարայի մեջ և սառեցրեք: Առավոտյան վերցրեք այդ սառույցի խորանարդիկը և մերսեք ձեր դեմքը:

3. Եթե ունեք դեմքի վրա պեպեններ և ձեզ համար անցանկալի բծեր, վերցրեք մեկ բանանի կեղև, կտրատեք և վրան լցրեք եռ. ջուր, սառելուց հետո լցրեք սառույցի համար նախատեսված տարայի մեջ և սառեցրեք: Առավոտյան վերցրեք այդ սառույցի խորանարդիկը և մերսեք ձեր դեմքը: Որոշ ժամանակ անց տեսանելի կլինի արդյունքը:

Արուսիկ Տիգրանյան