Դպրոցական ավտոբուսի վարորդը աշխատանքի գնալու ճանապարհին 1 միլիարդ 855 միլիոն դրամ է շահել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ-ի Washington բնակիչ Մորիս Ուիլյամսը ծննդյան օրից ընդամենը մի քանի օր անց շահել է 5 միլիոն դոլար արժողությամբ ջեքփոթ վիճակախաղում։ Այդ գումարը կազմում է մոտ 1,85 միլիարդ հայկական դրամ։

Ինչպես հայտնում է People-ը, Ուիլյամսը, ով աշխատում է որպես դպրոցական ավտոբուսի վարորդ, աշխատանքի գնալու ճանապարհին կանգ է առել խանութում՝ նախկինում շահած 50 դոլարը կանխիկացնելու համար։ Ստացած գումարով նա գնել է նոր վիճակախաղի տոմս և հենց մեքենայում նստած ստուգել արդյունքները։

Տղամարդը պատմել է, որ սկզբում պարզապես քարացել էր՝ չկարողանալով հավատալ իր աչքերին։

«Ես պարզապես նստած էի ու չէի հասկանում՝ սա իրականությո՞ւն է, թե ոչ։ Պետք էր մի պահ հավաքեի մտքերս», — ասել է նա։

Ուիլյամսի խոսքով՝ իրեն հատկապես զարմացրել է այն, որ հաղթական համարը եղել է 59-ը․ նա ընդամենը մի քանի օր առաջ էր դարձել 59 տարեկան։

Հաղթանակի մասին առաջինը նա հայտնել է մորը։ Վերջինս փորձել է հանգստացնել որդուն, որից հետո Ուիլյամսը նույնիսկ շարունակել է իր աշխատանքային օրը։ Սակայն տղամարդը խոստովանել է, որ ողջ գիշեր չի կարողացել քնել՝ մինչև մրցանակը ստանալու համար մեկնելը։

Նա նշել է, որ շահած գումարով նախ ցանկանում է տուն գնել մոր համար, իսկ մնացած գումարը՝ խնայել։

Թարգմանությունը՝ Past.am-ի

Հետևեք մեզ՝ այստեղ