Թոշակառուների համար փոփոխություններ կլինեն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Աշխատանքի և սոցիալական հարցերի նախարարությունը հանրային քննարկման է ներկայացրել կառավարության 2011 թվականի մայիսի 5-ի թիվ 670-Ն որոշման փոփոխությունների նախագիծը, որը վերաբերում է կենսաթոշակների և պետական նպաստների վճարման կարգին։

Ինչպես հայտնում է Past.am-ը, նախաձեռնության նպատակը սոցիալական վճարների անկանխիկ համակարգի ավելի արդյունավետ և հասանելի կազմակերպումն է, հատկապես այն քաղաքացիների համար, որոնք առողջական կամ ֆիզիկական խնդիրների պատճառով չեն կարող լիարժեք օգտվել բանկային ծառայություններից։

Հիշեցնենք, որ 2026 թվականի ապրիլի 1-ից կենսաթոշակներն ու պետական նպաստները վճարվում են բացառապես անկանխիկ եղանակով։ Սակայն գործնականում ի հայտ են եկել խնդիրներ, մասնավորապես՝ տեսողության, տեղաշարժման կամ այլ սահմանափակումներ ունեցող շահառուների համար։

Նախարարությունն առաջարկում է ներդնել հատուկ մեխանիզմներ, որոնք կօգնեն նման քաղաքացիներին ավելի հեշտ օգտվել բանկային քարտերով սպասարկումից։ Այդ նպատակով նախատեսվում է վերանայել նաև Միասնական սոցիալական ծառայության և բանկերի միջև գործող պայմանագրային որոշ դրույթներ։

Բացի այդ, նախագծով առաջարկվում է հստակեցնել լիազորագրով կենսաթոշակ ստանալու ընթացակարգը։ Մասնավորապես, նախատեսվում է պարզեցնել այն անձանց համար դիմումների ներկայացման գործընթացը, որոնք չեն կարող անձամբ ներկայանալ համապատասխան մարմիններ։

Նախագծում նշվում է, որ սոցիալապես խոցելի կենսաթոշակառուները կկարողանան դիմել ծառայությանը ոչ միայն գրավոր, այլ նաև բանավոր կամ այլ անձի միջոցով։ Միաժամանակ նախատեսվում է հաշվառել նման դիմումների վերաբերյալ ամբողջ տեղեկատվությունը։

Փոփոխությունները վերաբերում են կենսաթոշակների, պատվովճարների, ծերության և հաշմանդամության նպաստների, ինչպես նաև կերակրողին կորցնելու դեպքում տրամադրվող վճարների տրամադրման ընթացակարգերին։

Մանրամասները՝ «Փաստ» օրաթերթի այսօրվա համարում

Հետևեք մեզ՝ այստեղ