ՊԱՏՄՈՒԹՅԱՆ ԱՅՍ ՕՐԸ (9 հունիսի). Մայր Աթոռ Սուրբ Էջմիածնում տեղի է ունեցել Եպիսկոպոսաց ժողով. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հավատարմագրման միջազգային օր։

Ուրուգվայ՝ Հարավամերիկյան ֆուտբոլի օր։

Իտալիա՝ Հին հռոմեական Վեստալիայի տոն։

ԱՄՆ-ի Օկլահոմա՝ Տարեցների օր։

Ուգանդա՝ Ազգային հերոսների օր։

Ալանդյան կղզիներ՝ Ինքնավարության օր։

ՀԱՅ-ՀԱՅԱՍՏԱՆ

1849 – Ստեղծվել է Երևանի նահանգը, որը կազմված է եղել Երևանի, Նախիջևանի, Ալեքսանդրապոլի, Նոր Բայազետի և Օրդուբադի գավառներից։ Արևելյան Հայաստանի մյուս շրջանները մտել են Թիֆլիսի և Ելիզավետապոլի նահանգների մեջ։

1914 – Առաջին համաշխարհային պատերազմի ժամանակ կովկասյան ճակատում տեղի է ունեցել Ալաշկերտի ճակատամարտը, որի արդյունքում ռուսական բանակը տակտիկական առավելություն է ստացել։

1925 – Ծնվել է կենսաֆիզիկոս Սպարտակ Հովհաննիսյանը։

1945 – Ծնվել է հայաստանցի սկավառականետորդ Ֆաինա Մելնիկը։

1960 – Վախճանվել է արձակագիր, թարգմանիչ Վիվանը։

1961 – Վախճանվել է նկարիչ Միքայել Արուտչյանը։

1976 – Վախճանվել է դերասան Դավիթ Մալյանը։

1978 – Ծնվել է լիբանանահայ երգչուհի Այլին Խաչատուրյանը։

1984 – Վախճանվել է ճարտարապետ Էդուարդ Սարապյանը։

1988 – Ծնվել է ծանրամարտիկ Տիգրան Մարտիրոսյանը։

2008 – Վախճանվել է շախմատային գրոսմայստեր Կարեն Ասրյանը։

2009 – Ամբողջությամբ կրելով դատավճռով սահմանված 1,5 տարվա ազատազրկման պատիժը՝ «Վարդաշեն» քրեակատարողական հիմնարկից ազատ է արձակվել Ժիրայր Սեֆիլյանը։

2010 – Հայաստանում մեկնարկել է վրաց գրականության շաբաթը, որի առթիվ Երևան է ժամանել վրաց գրողների պատվիրակություն։

2011 – Կարկուտը զգալի վնասներ է հասցրել Շիրակի մարզի Անիի տարածաշրջանի մի քանի գյուղերի ցանքատարածություններին։

2017 – ԿԸՀ-ն հաստատել է Երևանի ավագանու ընտրության արդյունքները, ըստ որի, իշխող Հանրապետականի 46 անդամի հետ նոր ավագանու կազմ է անցել նաև երկու ընդդիմադիր խմբակցություն՝ «Ելք»-ը՝ 14 անդամով, ու «Երկիր Ծիրանին»՝ 5 անդամով։

2018 – Մայր Աթոռ Սուրբ Էջմիածնում տեղի է ունեցել Եպիսկոպոսաց ժողով, որտեղ որոշվել է, որ Կաթողիկոսի հրաժարականը պահանջելը հանդիսանում է արտաքին և բռնի միջամտությամբ պարտադրված հակականոնական գործողություն։

2019 – Հայաստանի 23 համայնքում տեղի են ունեցել տեղական ինքնակառավարման մարմինների ընտրություններ։

2024 – Հանրապետության հրապարակում տեղի է ունեցել մեծ հանրահավաք, որից հետո Բագրատ Սրբազանի առաջնորդությամբ եղել է երթ։

ԱՇԽԱՐՀ

53 – Հռոմի կայսր Ներոնը ամուսնացել է Կլավդիայի դստեր՝ Օկտավիայի հետ։

62 – Ներոնի հրամանով սպանվել է աքսորված Օկտավիան։

68 – Ինքնասպան է եղել Ներոնը։

721 – Թուլուզի ճակատամարտում Էդդի Մեծը ջախջախել է մավրերին։

1290 – Վախճանվել է Բեատրիչեն՝ Դանթե Ալիգիերիի սիրեցյալը։

1534 – Ժակ Քարտիեն հայտնաբերել է Սուրբ Լավրենտիոս գետը։

1672 – Ծնվել է ռուս նշանավոր կայսր Պետրոս Ա-ն։

1719 – Պետրոս Ա-ն Ռուսաստանը բաժանել է նահանգների և շրջանների։

1793 – Արգելվել է ստրուկների ներկրումը Վերին Կանադա։

1810 – Ծնվել է գերմանացի կոմպոզիտոր և դիրիժոր Օտտո Նիկոլայը։

1812 – Ծնվել է գերմանացի աստղագետ Յոհան Գալլեն։

1822 – ԱՄՆ-ում Չարլզ Գրեմը արտոնագրել է առաջին արհեստական ծնոտը։

1840 – Ծնվել է վրացի բանաստեղծ, արձակագիր, դրամատուրգ, վրաց նոր գրականության և գրական նոր լեզվի հիմնադիրներից մեկը՝ Ակակի Ծերեթելին։

1870 – Վախճանվել է անգլիացի հայտնի գրող Չարլզ Դիքենսը։

1873 – Բացումից 16 օր անց Լոնդոնում հրդեհից ամբողջովին այրվել է Ալեքսանդրա պալատը։

1889 – Հռոմում Ջորդանո Բրունոյի մահապատժի վայրում (նրան այրել են խարույկի վրա) բացվել է նրա հուշարձանը։

1934 – Լույս է տեսել Դոնալդ Դակի մասնակցությամբ առաջին մուլտֆիլմը։

1945 – Ծնվել է ամերիկացի դերասան, երգիչ և ռեժիսոր Ջոնի Դեփը։

1959 – Ջուրն է իջեցվել բալիստիկ հրթիռներով զինված առաջին ամերիկյան սուզանավը՝ «Ջորջ Վաշինգտոնը»։

1967 – Վեցօրյա պատերազմի ընթացքում Իսրայելը Սիրիայից գրավել է Գոլանի բարձունքները։

1967 – ԽՍՀՄ-ը խզել է դիվանագիտական հարաբերությունները Իսրայելի հետ։

2000 – Ռուսաստանի նախագահ Վլադիմիր Պուտինը Չեչնիայում մտցրել է ուղիղ նախագահական կառավարում։

2002 – Մոսկվայի Մանեժնի հրապարակում Ռուսաստանի ֆուտբոլի հավաքականի պարտությունից հետո տեղի է ունեցել ֆուտբոլային ֆանատների մասնակցությամբ ծեծկռտուք։

Մանրամասները՝ «Փաստ» օրաթերթի այսօրվա համարում