Պուտինը միգրանտներին տուգանելու մասին օրենք է ստորագրել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Ռուսաստանի նախագահ Վլադիմիր Պուտինը ստորագրել է պարտադիր բժշկական զննումներից հրաժարվելու կամ խուսափելու համար օտարերկրյա քաղաքացիներին տուգանելու մասին օրենքը: Համապատասխան փաստաթուղթը տեղադրվել է իրավական ակտերի պաշտոնական հրապարակման համար նախատեսված կայքում:

Փաստաթղթում սահմանվում է, որ բժշկական զննումից հրաժարվելու կամ խուսափելու համար օտարերկրացիներին սպառնում է 25,000-ից 50,000 ռուբլի տուգանք՝ Ռուսաստանի Դաշնությունից վարչական վտարմամբ: Տուգանքը ժամանակին չվճարելու դեպքում գումարը կրկնապատկվում է հնարավոր վտարմամբ:

Օրենքը նախատեսում է տուգանքներ օտարերկրացիներին թմրանյութերի, վտանգավոր վարակների և ՄԻԱՎ-ի առկայության վերաբերյալ բժշկական զննումներ անցկացնելու կարգը խախտելու համար: Անհատների համար տուգանքը կկազմի 25,000-ից 100,000 ռուբլի, պաշտոնյաների համար՝ 100,000-ից 200,000 ռուբլի, իսկ իրավաբանական անձանց համար՝ 300,000-ից 1 միլիոն ռուբլի կամ գործունեության դադարեցում 14-ից 90 օրով:

Օրենքը նաև սահմանում է, որ եթե մեկ ստուգման ընթացքում հայտնաբերվեն մի քանի նույնական խախտումներ, յուրաքանչյուրի համար կարող է տուգանք նշանակվել առանձին։

Օրենքն ուժի մեջ է մտնում պաշտոնական հրապարակման օրվանից։

Հետևեք մեզ՝ այստեղ