Արդարադատության նախարարությունը ամփոփել է 2025 թվականի բարեփոխումների արդյունքները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

2025 թվականին իրականացված բարեփոխումները շարունակում են փոխել ոլորտը

Արդարադատության նախարար Սրբուհի Գալյանը Ազգային ժողովի մշտական հանձնաժողովների համատեղ նիստում 2025 թվականի պետական բյուջեի կատարման քննարկման ընթացքում ներկայացրել է արդարադատության ոլորտում իրականացված աշխատանքներն ու գրանցված արդյունքները։

1. Բյուջեի կատարողական և ծրագրերի իրականացում

2025 թվականին նախարարությանը պետական բյուջեից հատկացվել է 24.9 մլրդ դրամ, կատարողականը կազմել է 99%։

Նախորդ տարվա համեմատ նախարարության ծախսերն աճել են 3%-ով կամ 726.5 մլն դրամով՝ հիմնականում պայմանավորված է «Քրեակատարողական ծառայություններ» և «Արդարադատության ոլորտում քաղաքականության մշակում, ծրագրերի համակարգում, խորհրդատվության և մոնիտորինգի իրականացում» ծրագրերի ծախսերի աճով: 

2. Դատական համակարգի արդյունավետության բարձրացում

Ընդունվել են օրենսդրական փոփոխություններ՝ քաղաքացիական և վարչական, վերաքննիչ վարչական գործերի քննության ողջամիտ ժամկետների ապահովման նպատակով։

Մինչև 300 հազար դրամ պահանջներով վարչական գործերով սահմանափակվել է վերաքննիչ բողոքարկման իրավունքը, ինչը թույլ կտա նվազեցնել վերաքննիչ վարչական դատարանի ծանրաբեռնվածությունը շուրջ 20-30%-ով։

Ընտանեկան որոշ գործերով ներդրվել է պարտադիր հաշտարարությունը և գործարկվել է e-mediation.am էլեկտրոնային համակարգը, ինչի արդյունքում 2025 թվականի երկրորդ կիսամյակում ընտանեկան գործերի թիվը դատարաններում նվազել է շուրջ 57%-ով։       

Նախարարը նաև անդրադարձել է Սահմանադրական բարեփոխումների գործընթացին՝ նշելով, որ 2025 թվականի ընթացքում անցկացվել են մի շարք նիստեր։

Հետևեք մեզ՝ այստեղ