Արտակարգ դեպք Երևանում. Մալաթիա-Սեբաստիա վարչական շրջանում հայտնաբերվել է երիտասարդ տղայի դի. մահվան հանգամանքները պարզվում են (լուսանկարներ)

Shamshyan.com–ը գրում է.

Քիչ առաջ արտակարգ դեպք է տեղի ունեցել Երևանում: Ժամը 21:30-ի սահմաններում ոստիկանության Մալաթիա-Սեբաստիա բաժին ահազանգ է ստացվել, որ Շրջանային 2/2 հասցեի հարևանությամբ գտնվող էլեկտրաենթակայանի մոտ տղամարդու դի կա:

Ինչպես դեպքի վայրից հայտնում է ֆոտոլրագրող Գագիկ Շամշյանը, նշված վայր են ժամանել ոստիկանության Երևան քաղաքի վարչության պետի օպերգծով տեղակալ, ոստիկանության գնդապետ Սարգիս Մարտիրոսյանը, նույն վարչության քրեական հետախուզության բաժնի պետ Գարիկ Ղուկասյանը: 

Ժամանել է նաև ոստիկանության Մալաթիա-Սեբաստիա բաժնի օպերատիվ խումբը` բաժնի պետ, ոստիկանության փոխգնդապետ Ռոման Կիրակոսյանի գլխավորությամբ:

Դեպքի մասին տեղեկությունը փոխանցվել է Հայաստանի քննչական կոմիտեի Երևանի քննչական վարչության Մալաթիա-Սեբաստիա քննչական բաժին, որտեղից ժամանել են մեծ թվով քննիչներ` բաժնի պետ Կարեն Թորոսյանի գլխավորությամբ:

Ոստիկաններն ու քննիչները պարզել են, որ մահացածը հանդիսանում էր Կառլեն Ակունցը: 

Դատաբժշկի նախնական եզրակացության համաձայն` դիակի վրա բռնության հետքեր չկան: 

Փաստի առթիվ Մալաթիա-Սեբաստիա քննչական բաժնում նյութեր են նախապատրաստվում:

Քննիչի որոշմամբ նշանակվել են մի շարք փորձաքննություններ, այդ թվում` դիակի դատաբժշկական: 

Լուսանկարները` Գագիկ Շամշյանի