Ժողովուրդ, Դուք սխալվում էիք. լուսանկար

Wnews.am-ը գրում է.

Հաճախ մարդկանց խանգարում են սեփական բարդույթները, որոնք ձևավորվել են դպրոցական տարիքում: Ձեզ դպրոցում  համարում էին տգեղ,  տղաները ծիծաղում էին ձեզ վրա, դուք ոչ մի կերպ չէիք հասկանում մաթեմատիկա և միշտ լսում էիք ուսուցչուհուց, որ « թույլ» աշակերտ եք, ձեզ հետ ընկերություն չէին անում դասընկերուհիները և այլն, և այլն:  Անցնում են տարիներ, բայց դուք միևնույնն է հիշում եք ձեր անհաջողությունները, հավատում դրանց և վստահ եք, որ ձեզ մոտ միևնույն է ոչինչ չի ստացվելու:  Wnews.am-ը  ներկայացնում է հայտնի մարդկանց, որոնց դպրոցական տարիները ևս հարթ չեն անցել, բայց դրանք միայն ուժ և հաջողության հասնելու վստահություն են հաղորդել նրանց։ « Ժողովո՛ւրդ», դուք սխալվում էիք»,-նախկին դասընկերներին հիմա հանգիստ կարող պատասխանել նրանք:

Քեզնից ինչ դերասանուհի . Մեգան Ֆոքսը  երազում էր դերասանուհի դառնալու մասին, բայց նրա երազանքը դասընկերների մոտ միայն ծաղր էր առաջացնում: Դերասանուհին հիշում է, որ  Հելոուինի տոնին դասընկերներից մեկը ներկայացել է առանց հատուկ հանդերձանքի, երբ հարցրել են, թե ում է նա մարմնավորում, վերջինս սարկազմով պատասխանել է.«Հայտնի դերասանուհի Մեգան Ֆոքսին»: «Բոլորը բարձրաձայն ծիծաղում էին, իսկ ես ձայն չէի հանում և միայն ինքս ինձ խոստանում էի անպայման դառնալ հայտնի դերասանուհի»,-պատմում է Մեգանը:   

Անջելինա Ջոլիի արտաքինը միշտ չէ հիացմունքի առարկա եղել: Դասընկերուհիները ծաղրում էին նրան: Իհարկե, մեծ նշանակություն ուներ նաև Ջոլիի՝ սեփական անձի հանդեպ վերաբերմունքը:  «Ես չէի սիրում ինձ ու իմ մարմինը, մի քանի անգամ փորձել եմ ինքնասպան լինել: Ես վարում էի ոչ մանկական կյանք, հազվադեպ էի լինում դպրոցում և դա առիթ էր տալիս դասընկերներիս  բամբասել ու ծաղրել ինձ»,-պատմում է Ջոլին: Միայն թե մի օր Անջելինան հասկացավ, որ չի ուզում այդպես ապրել և այդ որոշումը փոխեց նրա կյանքը:

 

Վիկտորիա Բեկհեմը երբեք չի թաքցրել, որ դպրոցական տարիներն իր համար անտանալի էին: Նա դեռ մանկուց առանձնանում էր իր բնավորությամբ, զգում էր, որ այնպիսին չէ, ինչպես բոլորը և հենց սա էլ դուր չէր գալիս Բեկհեմի դասընկերներին: «Ես  շատ ամաչկոտ էի և ինքնամփոփ, այդ պատճառով էլ ընկերներ չունեի, բայց դասընկերներս դա ուրիշ կերպ էին բացատրում, նրանք կարծում էին ես մեծամիտ եմ ու հաճախ ես ուղղակի հայտնվում էի ցեխի մեջ, քանի որ նրանք «պատահաբար» հրում էին ինձ փողոցում ու հետո խմբով ծիծաղում վրաս»,-պատմում է նա:

Լեդի Գագայի դասարանցիները առիթը բաց չէին թողնում նրան հիշեցնելու իր մեծ քթի և անհաջող արտաքինի մասին: «Ես ուշադրություն չէի դարձնում ու միայն երգում էի»,-պատմում է Գագան: Հիշելով իր դպրոցական տարիներն ու դասընեկերների ծաղրը, երգչուհին հիմա հաճախ է կոչ անում դպրոցականներին բարի լինել իրար հանդեպ և ուզում է իր օրինակով ոգեշնչել դպրոցում արհամարհված և չսիրված աշակերտներին:

«Հավատացեք ձեզ, ինչ էլ  ասեն, ես ու իմ օրինակը թող ոգևորեն ձեզ»,-ասում է նա:

 

Որքան էի Լոպեսին ծաղրում իր կառուցվածքի համար: «Ինձ անվանում էին կիթառ, իմ լայն ազդրերի և հետույքի համար: Սա ամենամեղմ մականունն էր, որ ինձ տալիս էին դպրոցում»,-պատմում է Ջենիֆեր Լոպեսը: Դասընկերներն այդ ժամանակ չգիտեին, որ հենց ոչ ստանդարտ կառուցվածքն է լինելու Ջենիֆեր Լոպեսի այցեքարտը:  

Սուպերմոդել Թայրա Բենկսի առաջին սերը մերժեց աղջկան ու հիմնավորեց իր մերժումը. «Ինչիս ես ինձ պետք այդպիս մեծ ճակատով և քթով»,-ասել էր նրա սիրելի դասընկերը:

  

Մեծ բերան, մեծ ատամներ և ակնոցներ. Ջուլիա Ռոբերթսը ևս մեկ դասական օրինակ է, երբ անճոռնի ճուտիկը վերածվում է իսկական գեղեցկուհու: Մանկությունից ես ինձ հետ էի վերցրել բազմաթիվ բարդույթներ: Դրանք հիմնականում կապված էին արտաքինիս հետ: Ես հիշում էի ինչպես էին ինձ ծաղրում դասընկերներս»,-պատմում է արդեն մի քանի անգամ աշխարհի ամենագեղեցիկ կինը ճանաչված Ջուլիա Ռոբերթսը: