Սպայի ստահակության հետևանքները

Գագիկ Համբարյանը ֆեյսբուքյան իր էջում գրում է.

Մեր բանակը համարում եմ Հայաստանի Հանրապետության ամենակայացած կառույցը և մեր երկրի պարծանքը...Շատ դեպքերում հասարակությունն ըմբռնումով է մոտենում բանակում գրանցվող կորուստներին,որոնք հիմնականում կապված են սահմանային միջադեպերի հետ...Բայց երբ իմանում ես,որ սպան անձնական վիրավորանք է տալիս ժամկետային զինծառայողին,որի հետևանքով տեղի է ունենում ողբերգություն՝դա աններելի է...Քիչ առաջ ԶԼՄ-ները տեղեկություն տարածեցին,որի համաձայն երեկ Արցախում գտնվողզորամասերից մեկում տեղի է ունեցել զարհուրելի դեպք.սպան անձնական վիրավորանք է հասցրել զինծառայողին,որի հետևանքով զինծառայողը գնդակահարել է սպային և ինքնասպան եղել...Ինքնասպան եղած զինծառայողը Կոտայքի մարզի Պռոշյան գյուղից է և զինվորի մահվան լուրը հաստատել է Պռոշյանի գյուղապետը...Չնայած ՀՀ ՊՆ լուրի իսկությունը դեռ չի հաստատել ,սակայն համոզված եմ,որ, ցավոք, այն համապատասխանում է իրականությանը...Սպայի ստահակության հետևանքով տեղի է ունեցել ողբերգություն...

Շատերը կարող են մտածել,որ պետք չէր այս տեղեկությունը հրապարակայնացնել,որից կարող են օգտվել մեր թշնամիները...Սակայն ես գտնում եմ,որ ամենամեծ թշնամին մեր մեջ է՝անդաստիարակ և լկտի սպաները,որոնք ուղղակիորեն դրդում են զինվորներին դիմելու այս ծայրահեղ քայլերին...Հրապարակայնացնելու դեպքում նրանցից շատերը կկարդան և կգերադասեն ավելի հարգալից լինել հասարակ զինվորի նկատմամբ...
Ցավակցություններս եմ հայտնում անմեղ զոհ Թեմուր Սլոյանի ընտանիքին,հարազատներին և բարեկամներին...

Հ.Գ. Այս երկրի թշնամին նա է, ով փորձում է կոծկել ներքին թշնամուն՝ դրանով իսկ հովանավորելով նոր հանցագործությունների հնարավորությունը բանակում...