Դպրոցականները կսովորեն լող, դահուկային սպորտ և հրաձգություն․ նոր ծրագիր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

MediaHub-ն ուսումնասիրել է Կառավարության այսօրվա նիստի օրակարգը։
 
Նախագծում նշվում է, որ դահուկային սպորտի, հրաձգության և լողի ծրագրերը կարևոր դեր ունեն դպրոցահասակ երեխաների առողջ ապրելակերպի խթանման գործում։

Միաժամանակ, ոլորտի զարգացման և ծրագրերի արդյունավետ իրականացման նպատակով անհրաժեշտ է զարգացնել մարզաձևերը՝ ներդնելով կայուն մեխանիզմներ և ապահովել հավասար հասանելիություն Հայաստանի Հանրապետության մարզերում գործող հանրակրթական ուսումնական հաստատություններում սովորող դպրոցահասակ երեխաների համար։

Ծրագրերն իրականացվում են մարզական կազմակերպությունների միջոցով, երեք ուղղություններով՝  դահուկային սպորտ, հրաձգություն և լող:

Լողի ենթակառուցվածքները կենտրոնացված են հիմնականում քաղաքային համայնքներում՝ մարզերում միայն սահմանափակ քանակով այս է պատճառը, որ լողի ծրագիրն իրականացվում է մարզերում գործող լողավազաններում։ Մարզաձևն ունի առողջարար նշանակություն և համարվում է երեխաների համակողմանի ֆիզիկական զարգացման արդյունավետ միջոց։ 

Լողի ուսուցումն 2024 թվականից իրականացվել է, որպես փորձնական ծրագիր, այժմ էլ շարունակվում է իրականացվել «Մասսայական սպորտ» ծրագրի շրջանակում։ Խնդիրը՝ մարզերում լողավազանների սահմանափակ քանակն է և դպրոցահասակների մոտ առթղջ ապրելակերպի արժեհամակարգի ձևավորումը:

Դահուկային սպորտի ենթակառուցվածքները սեզոնային են և կենտրոնացած են առանձին լեռնային գոտիներում: Դահուկային սպորտի պարապմունքներն իրականացվում են հիմնականում լեռնային և ձյունառատ բնակավայրերում գործող կազմակերպությունների կողմից, որոնք կազմակերպում են ուսումնամարզական պարապմունքներ, հավաքներ և տարբեր մրցումներ։ Մարզաձևը նպաստում է երեխաների դիմացկունության, համակարգվածության և ընդհանուր ֆիզիկական պատրաստվածության զարգացմանը։ 

Դահուկային սպորտի խնդիրներն են՝ ենթակառուցվածքներն ու համապատասխան մարզահրապարակների սահմանափակ հասանելիությունը, եղանակային գործոնը և անվտանգության ապահովման անհրաժեշտությունը, ինչպես նաև արդիական հատուկ տեխնիկա-սարքավորումների հետ աշխատելը: Հրաձգության մարզաբազաները սահմանափակ են և հաճախ չեն համապատասխանում ուսումնական ծրագրերի ամբողջական իրականացման պահանջներին՝ հատկապես նախազորակոչային տարիքի երեխաների հետ իրականացված դասընթացների ժամանակ: Հրաձգության ուսուցումն իրականացվելու է մարզական կազմակերպություններում՝ անվտանգության կանոնների խիստ պահպանմամբ։ 

Պարապմունքներն անցկացվելու են համապատասխան որակավորում ունեցող մարզիչ-մանկավարժների կողմից։ Մարզաձևը զարգացնում է երեխայի կենտրոնացվածությունը, ինքնակառավարումը և պատասխանատվության զգացումը: Հրաձգության ուսուցման խնդիր է հանդիսանում պարապմունք իրականացնող կազմակերպության նյութատեխնիկական բազայի արդիականացման առկայությունը:

Ծրագրի հիմնական նպատակն է ապահովել մարզերի միջև հավասար հնարավորություններ, բարձրացնել երեխաների ֆիզիկական ակտիվությունը և խթանել առողջ ու կայուն կենսակերպի ձևավորումը։

Ուսումնական հաստատություններում մարզական գործունեության ապահովման համար անհրաժեշտ բաղադրիչներն են`
1) մարզադահլիճ, մարզահրապարակ, վազքուղի.
2) մարզագույք (նաև ձմեռային).
3) հրաձգարան (ելնելով դպրոցների և այնտեղ սովորող դպրոցականների քանակից՝ հնարավոր է համայնքում ունենալ մեկ կամ մի քանի հրաձգարան, որոնք տարբեր օրերի և ժամերի կսպասարկեն բոլորին, այստեղ անհրաժեշտ է համագործակցություն նախնական զինվորական պատրաստություն առարկայի շրջանակներում, ինչպես նաև պաշտպանության նախարարության հետ՝ օգտագործելով առկա հնարավոր ռեսուրսը).
4) լողավազան (կարող է գործածվել հրաձգարանների համար առաջարկվող մոդելը): Հատկապես կարևոր է դպրոցների տարրական դասարանների աշակերտների շրջանում լողի զանգվածային ուսուցում կազմակերպելու համար պայմանների ապահովումը։
 
 Ծրագրի իրականացման համար անհրաժեշտ ծախսերը նախատեսվում է իրականացնել Հայաստանի Հանրապետության պետական բյուջեի միջոցների հաշվին:

2.       Իրավաբանական անձանց վճարումները նախատեսվում է իրականացնել ամեն ամսվա կտրվածքով՝ երեխաների փաստացի հաճախումների արդյունքների հիման վրա։

Կից ներկայացնում ենք նաև յուրաքանչյուր կազմակերպությունում սովորողի համար վճարվող գումարի չափը, շահառուների թիվը և այլն։

 

Մարիաննա Արամյան

Հետևեք մեզ՝ այստեղ