Մահացու վարակը սկսել է տարածվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպայում աճում է վտանգավոր Vibrio vulnificus բակտերիայով վարակվելու ռիսկը, հայտնում է Metro լրատվական գործակալությունը՝ հղում անելով Հիվանդությունների կանխարգելման և վերահսկման եվրոպական կենտրոնի (ECDC) նախազգուշացմանը։

Մասնագետների տվյալներով՝ այս բակտերիան կարող է առաջացնել ծանր վարակներ, այդ թվում՝ նեկրոտիզացնող ֆասցիիտ՝ հազվադեպ, բայց կյանքին սպառնացող հիվանդություն, որի դեպքում արագորեն վնասվում և մահանում են փափուկ հյուսվածքները։ Ծանր դեպքերում հիվանդի կյանքը փրկելու համար կարող է անհրաժեշտ լինել վերջույթի անդամահատում, իսկ եթե վարակը տարածվի արյան միջոցով, կարող է զարգանալ սեպսիս։

Մասնագետների խոսքով՝ Vibrio vulnificus-ը առավել հաճախ հանդիպում է տաք և քիչ աղի ջրերում՝ գետաբերաններում, ծովածոցերում և ծանծաղ ջրավազաններում։

Նախկինում Միջերկրական ծովի բարձր աղիությունը սահմանափակում էր այս բակտերիայի տարածումը, սակայն գիտնականները զգուշացնում են, որ կլիմայի փոփոխության հետևանքով ջրի ջերմաստիճանի բարձրացումն ու աղիության նվազումը կարող են նպաստել դրա տարածման աշխարհագրության ընդլայնմանը։

Բժիշկները խորհուրդ են տալիս խուսափել բաց վերքերով տաք ծովային կամ աղի ջրերում լողալուց, ինչպես նաև հում կամ թերի մշակված ծովամթերք օգտագործելուց, քանի որ դրանք նույնպես կարող են վարակման աղբյուր դառնալ։ Բարձր ռիսկի խմբում են հատկապես թուլացած իմունային համակարգ, լյարդի հիվանդություններ կամ քրոնիկական առողջական խնդիրներ ունեցող մարդիկ։

Հետևեք մեզ՝ այստեղ