Ֆրանսիայում շոգի պատճառով երկրորդ անգամ հայտարարվել է եղանակային վտшնգի կարմիր մակարդակ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ֆրանսիայի Իլ-դը-Ֆրանս շրջանում, այդ թվում՝ Փարիզում, ծայրահեղ շոգի պատճառով կրկին հայտարարվել է եղանակային վտանգի ամենաբարձր՝ կարմիր մակարդակ։ Այս մասին հուլիսի հայտնում է Le Monde թերթը։

«Գրեթե ողջ Ֆրանսիան գտնվում է նարնջագույն ռեժիմում, և սպասվում է առավելագույն ցուցանիշների բարձրացում», - ասվում է հրապարակման մեջ։

Ինչպես նշվում է, Ֆրանսիայի մայրաքաղաքային տարածաշրջանում նախկինում երբեք չեն հայտարարել կարմիր վտանգի մակարդակ մեկ տարվա ընթացքում երկու անգամ, հատկապես նման կարճ ժամանակահատվածում՝ ընդամենը մոտ երեք շաբաթ։

Օդերևութաբանների կանխատեսումներով՝ առաջիկա հանգստյան օրերին Փարիզում օդի ջերմաստիճանը կարող է գերազանցել 35 աստիճանը։ Ընդհանուր առմամբ, շաբաթ օրը եղանակային առավելագույն վտանգի ռեժիմը կգործի երկրի 24 դեպարտամենտներում, որտեղ բնակվում է շուրջ 21,9 միլիոն մարդ։

Ֆրանսիայի օդերևութաբանական ծառայության տվյալներով՝ Նոր Ակվիտանիայի հյուսիսից մինչև Լուարայի հովտի կենտրոնական մաս ընկած որոշ շրջաններում ջերմաստիճանը կարող է հասնել 41 աստիճանի։

Ֆրանսիայի առողջապահության նախարար Ստեֆանի Ռիստը հուլիսի 3-ին հայտնել էր, որ պետության տարածքում ավելի քան 2,000 բնակիչ է մահացել մեկ շաբաթվա ընթացքում՝ անոմալ շոգի հետևանքով։ Նշվում էր, որ հունիսի 22-ից 28-ն ընկած ժամանակահատվածի նախնական տվյալները ցույց են տալիս մոտ 2,025 հավելյալ մահվան դեպք։ Միևնույն ժամանակ, Ռիստն ընդգծել է, որ գնահատականը հիմնված է ստացված մահվան վկայականների միայն 60%-ի վրա, ուստի վերջնական թիվը կարող է փոխվել։

Հետևեք մեզ՝ այստեղ