Չորսամյա տղան պատահաբար կրակել և սպանել է իր կրտսեր զարմիկին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Past.am-ի փոխանցմամբ՝ ԱՄՆ-ի Ֆլորիդա նահանգում ողբերգական դեպք է տեղի ունեցել, որի հետևանքով մահացել է 2-ամյա Բրեյդեն Թենիսոնը։

Տեղական լրատվամիջոցների տեղեկություններով՝ ընտանիքը Ջորջիա նահանգից մեկնել էր Օռլանդո՝ երեխայի ծննդյան օրը նշելու նպատակով։ Ժամանելուց հետո մեծահասակները կարճ ժամանակով դուրս են եկել մեքենայից՝ վարձակալած բնակարանի ձևակերպումները կատարելու համար, իսկ երեխաները մնացել են մեքենայում։

Նախնական տվյալներով՝ մեքենայում մնացել է նաև երեխայի մոր հրազենը։ Այդ ընթացքում ընտանիքի 4-ամյա երեխան գտել է այն և, անզգուշորեն գործադրելով, կրակել է փոքրիկի ուղղությամբ։

Մեծահասակները, լսելով կրակոցի ձայնը, անմիջապես վերադարձել են մեքենայի մոտ և շտապ օգնություն կանչել։ Վիրավոր երեխային տեղափոխել են մանկական հիվանդանոց, սակայն բժիշկներին չի հաջողվել փրկել նրա կյանքը։

Դեպքից հետո ընտանիքի անդամներից մեկը նույնպես հոսպիտալացվել է՝ ուժեղ սթրեսի հետևանքով առաջացած առողջական խնդիրների պատճառով։

Հարազատների խոսքով՝ Բրեյդենը կենսուրախ և շփվող երեխա էր, որը սիրում էր ժամանակ անցկացնել ընտանիքի անդամների հետ։ Նրանք նշում են, որ տեղի ունեցածը մեծ ցավ և ցնցում է պատճառել ամբողջ ընտանիքին։

Դեպքի հանգամանքները շարունակում են քննվել իրավապահ մարմինների կողմից։

Հետևեք մեզ՝ այստեղ