Հարսնացուն և ծնողները հարսանիքից 1 օր առաջ մահացած են գտնվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Past.am-ի փոխանցմամբ՝ Հնդկաստանի Կարնատակա նահանգում ողբերգական դեպք է տեղի ունեցել. 21-ամյա հարսնացուին և նրա ծնողներին հայտնաբերել են մահացած իրենց տանը՝ նախատեսված հարսանիքից ընդամենը մեկ օր առաջ։

Տեղական լրատվամիջոցների տվյալներով՝ դեպքը տեղի է ունեցել Հալեկեմպայանահունդի գյուղում։ Երիտասարդ կինը պետք է ամուսնանար հաջորդ օրը, սակայն ընտանիքի անդամներին հայտնաբերել են տանը՝ անգիտակից վիճակում։ Իրավապահները հաղորդում են, որ դեպքի վայրում հայտնաբերվել են թունավոր նյութի հետքեր և գրություն։

Քննության նախնական տվյալներով՝ ընտանիքը վերջին ամիսներին ենթարկվել է հոգեբանական ճնշումների։ Նամակում հիշատակվել է տեղի բնակիչ, որը, ըստ քննության, ցանկացել է ամուսնանալ աղջկա հետ և, նրա նշանադրությունից հետո, շարունակել է տարբեր հաղորդագրություններ և կեղծ նյութեր տարածել՝ փորձելով խաթարել նախատեսվող ամուսնությունը։

Ոստիկանությունը ներկայումս ուսումնասիրում է թվային ապացույցները, հաղորդագրությունները, վկաների ցուցմունքները և դեպքի վայրում հայտնաբերված նյութերը։

Դեպքը մեծ արձագանք է առաջացրել համայնքում։ Տեղի բնակիչները բողոքի ակցիա են կազմակերպել՝ պահանջելով գործի արագ և արդար քննություն, ինչպես նաև մեղավորների պատասխանատվության ենթարկում։

Հետաքննությունը շարունակվում է։

Հետևեք մեզ՝ այստեղ