Շուկայում վաճառվող ապրանքի փաթեթավորումից օձ է դուրս եկել և կծել 3-ամյա աղջկա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ Կալիֆոռնիա նահանգում երեք տարեկան աղջիկը ծանր վնասվածքներ է ստացել օձի խայթոցից այն բանից հետո, երբ փորձել է վերցնել իրենց տան մուտքի մոտ թողնված ծանրոցը։ Դեպքի մասին հայտնում է People ամսագիրը։

Միջադեպը տեղի է ունեցել անցյալ շաբաթ Սանտա Կլարիտա քաղաքում։ Ընտանիքի պատմելով՝ Amazon-ի առաքիչը ծանրոցը թողել էր տան դռան մոտ, իսկ փոքրիկը վազել էր այն վերցնելու։

Երբ երեխան ձեռքը մոտեցրել է ծանրոցին, դրա տակ թաքնված Հարավային Խաղաղօվկիանոսյան բոժոժավոր օձը հարձակվել է և կծել նրա ձախ ձեռքը։

Աղջկա մայրը անմիջապես նրան տեղափոխել է մոտակա վայր, որտեղ հնարավոր է եղել արագ բժշկական օգնություն ստանալ։ Այնուհետև երեխան տեղափոխվել է հիվանդանոց, որտեղ ստացել է հակաթույնի առաջին չափաբաժինը։ Ավելի ուշ նրան տեղափոխել են մանկական վերակենդանացման բաժանմունք ունեցող բուժհաստատություն, որտեղ նա ստացել է ևս երկու չափաբաժին հակաթույն և երկու օր անցկացրել բժիշկների հսկողության տակ։

Ինչպես հայտնում է Past.am-ը, երեխայի հայրը, որը միջադեպի պահին գործուղման մեջ էր, շտապ վերադարձել է տուն։ Ընտանիքը դրամահավաք է սկսել՝ հույս ունենալով, որ ստացված նվիրատվությունները կօգնեն հոգալ բուժման ծախսերը և հաղթահարել ստեղծված ծանր իրավիճակը։

Հետևեք մեզ՝ այստեղ