«Պատմության հետքերով. Հայրենական մեծ պատերազմում զոհվածների հուշարձանի բարեկարգում Ջանֆիդա գյուղում»

Ավելի քան մեկ տարի է անցել «Հաղթանակ 9/45» միջազգային հայրենասիրական շարժման մեկնարկից։ Այն «Եվրասիա» ԻՈԱԿ-ի նախաձեռնությունն է՝ ուղղված պատմական հիշողության պահպանմանն ու անցյալի նկատմամբ հարգանքին։ Որպես այս արժեքների շարունակություն՝ «Եվրասիա-Հայաստան»-ի կազմակերպած «Պատմության հետքերով» ծրագրի շրջանակներում կազմակերպվեց հերթական այցը։

«Եվրասիա-Հայաստանը» շարունակում է իրականացնել «Պատմության հետքերով» հայրենասիրական ծրագիրը՝ երիտասարդությանը համախմբելով Հաղթանակած սերնդի սխրանքի հիշատակի պահպանման գաղափարի շուրջ։ Այս անգամ կազմակերպության տասնյակ կամավորներ՝ դպրոցականներ, ուսանողներ և երիտասարդ ակտիվիստներ, բարեկարգեցին Արմավիրի մարզի Ջանֆիդա գյուղի զինվորական հուշահամալիրը, որը նվիրված է Հայրենական մեծ պատերազմին մասնակցած գյուղացիներին։

Ակցիայի մասնակիցները մաքրեցին հուշարձանը, կարգի բերեցին հարակից տարածքը և հարգեցին Հաղթանակի համար իրենց կյանքը զոհաբերած հերոսների հիշատակը։

«Պատմության հետքերով» նախագիծն առաջացել է որպես արդիական անհրաժեշտության արձագանք. Հայաստանի տարածքում կան պատմական ժառանգության բազմաթիվ օբյեկտներ և հուշարձաններ, որոնցից շատերը խնամքի և ուշադրության կարիք ունեն:

«Պատմության հետքերով» ծրագիրը մեկանգամյա ակցիա չէ։ Սա հետևողական աշխատանք է, որն ուղղված է հիշողության պահպանմանը ոչ թե ձևական հայտարարությունների, այլ իրական գործողությունների միջոցով: Գլխավոր հետևությունը պարզ է. պատմությունը պահպանվում է այնտեղ, որտեղ կա հարգանք, ուշադրություն և գործելու պատրաստակամություն:

Կազմակերպիչներն իրենց երախտագիտությունն են հայտնում բոլոր մասնակիցներին՝ ներգրավվածության, կատարած աշխատանքի և շրջապատող աշխարհն ավելի մաքուր ու լուսավոր դարձնելու անկեղծ ցանկության համար։ Նախագիծը դեռ նոր է սկսվում, և առջևում սպասվում են նոր նախաձեռնություններ, որոնք կնպաստեն պատմական հիշողության ամրապնդմանը և ժառանգության հանդեպ հոգատարության մշակույթի զարգացմանը։

 «Եվրասիա» ԻՀԿ-ն՝ միջազգային համագործակցության զարգացմանն աջակցող ինքնավար ոչ առևտրային կազմակերպություն է, որը մասնավոր միջոցներով իրականացնում է հումանիտար նախագծեր՝ ուղղված ավանդական արժեքների պահպանմանը և միջմշակութային հաղորդակցության զարգացմանը։ «Եվրասիա»-ն աջակցում է սոցիալապես կարևոր նախաձեռնություններին, հնարավորություն է տալիս տարբեր մշակույթների մարդկանց շփվել միմյանց հետ, զարգացնում է կրթության, բժշկության, երիտասարդական փոխանակման ոլորտներում նախագծեր։