Կինը կոյուղաջուր է ներարկել սեփական երեխայի ներերակային խողովակի մեջ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ Օհայո նահանգում 35-ամյա Թիֆանի Լե Սյուերը մեղավոր է ճանաչվել երեխայի նկատմամբ վտանգավոր գործողություններ կատարելու համար։ Դեպքը տեղի է ունեցել Կոլումբոսի Nationwide Children’s Hospital-ում։ Այս մասին հայտնում է Past.am-ը ՝ հղում անելով Fox 10-ին։

Դեպքը բացահայտվել է 2026 թվականի փետրվարին, երբ հիվանդանոցի աշխատակիցները տեսահսկման համակարգի միջոցով նկատել են, որ կինը երեխայի ներերակային համակարգի մեջ ներարկիչով օտար նյութ է ներմուծում։

Հիվանդանոցի աշխատակիցները ոստիկանությանը հայտնել են միջադեպի մասին, իսկ կնոջ հետագա այցելությունները սկսել են վերահսկվել։ Փետրվարի 8-ին անձնակազմը կրկին նկատել է նմանատիպ գործողություն, ինչից հետո ոստիկանները միջամտել են, իսկ երեխային ցուցաբերվել է անհրաժեշտ բժշկական օգնություն։

Տեսագրությունների ուսումնասիրության ընթացքում քննիչները նկատել են, որ կինը զուգարան է մտել տարայով, ապա վերադարձել ներարկիչով և մոտեցել երեխայի ներերակային համակարգին։

Լե Սյուերը ձերբակալվել էր փետրվարի 9-ին։ Ավելի ուշ նա մեղավոր է ճանաչվել երեխայի նկատմամբ վտանգավոր վերաբերմունքի մեղադրանքով։ Դատարանը նրան ազատազրկման փոխարեն պայմանական պատիժ է նշանակել։

Նրան նաև արգելվել է առանց հսկողության շփվել անչափահասների հետ, իսկ երեխայի առողջական վիճակի մասին պաշտոնական մանրամասներ չեն հրապարակվել։ Հաջորդ դատական նիստը նախատեսված է 2027 թվականի ապրիլին։

Հետևեք մեզ՝ այստեղ