Շունը կատաղի հարձակվել և սպանել է իր տիրոջ հետ վիճող տղամարդուն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անգլիայի Ուեյքֆիլդ քաղաքում 55-ամյա տղամարդը մահացել է շան հարձակման հետևանքով։ Միջադեպից առաջ նա վիճաբանության մեջ էր մտել կենդանու տիրոջ հետ, հայտնում է Past.am-ը։

Դեպքը տեղի է ունեցել Քալդեր Գրով գյուղի մոտակայքում՝ չօգտագործվող երկաթուղային գծերի տարածքում, որտեղ հետիոտներն օգտագործում են արահետը։ Ըստ նախնական տեղեկությունների՝ վիճաբանությունից հետո շունը հարձակվել է տղամարդու վրա և կծել նրան։

Ծանր վնասվածքներ ստացած տղամարդուն շտապ տեղափոխել են հիվանդանոց, սակայն բժիշկներին չի հաջողվել փրկել նրա կյանքը։ Նա մահացել է հիվանդանոցում՝ դեպքից մի քանի ժամ անց։

Ոստիկանությունը ձերբակալել է 55-ամյա տղամարդու՝ սպանության և հասարակական վայրում անկառավարելի շուն պահելու ու դրա հետևանքով մարմնական վնասվածք պատճառելու կասկածանքով։

Իրավապահները պարզում են միջադեպի բոլոր հանգամանքները։ Ոստիկանությունը նաև դիմել է երկու կանանց, որոնք դեպքից հետո կանգնել էին և փորձել օգնել վիրավոր տղամարդուն։ Նրանց խնդրել են կապ հաստատել քննիչների հետ։

Դետեկտիվ տեսուչ Մայքլ Քոքսը նշել է, որ ոստիկանությանը հետաքրքրում են նաև այն մարդիկ, ովքեր կարող էին տեսնել կամ լսել երկու տղամարդկանց միջև տեղի ունեցած սկզբնական վեճը։

Քննությունը շարունակվում է։

Հետևեք մեզ՝ այստեղ