Փաստեր չկան, բայց վստահ ենք՝ Ադրբեջանում կան հայեր, որոնց գերությունը հաստատված չէ. անհետ կորածի հարազատ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ընդհանուր  առմամբ, 1990–ականներից մինչ օրս անհետ կորածների խնդիրը առնչվում է շուրջ հազար ընտանիքի, այդ թվում 2023–ի Ստեփանակերտում պայթյունի հետևանքով։ Այս մասին այսօր՝ օգոստոսի 28–ին, մամուլի ասուլիսի ժամանակ նշեց 2020–ին անհայտ կորած Հենրի Մուրադյանի հորեղբայրը՝ Գոռ Մուրադյանը։

«Մեր ասոցիացիան միտված է նաև նրան, որպեսզի այն ծնողները, որոնք հիվանդ են, միայնակ են, աշխատանքի պատճառով չեն կարող բարձրաձայնել իրենց խնդիրները, մենք կարողանանք իրենց փոխարեն այդ աշխատանքը կատարել։ Վարչապետի որոշմամբ, տարածքային կառավարումը պիտի օգտակար լինի, բայց ես չեմ կարող ասել, որ դրական աշխատանք արվել է, մենք հենց դրանով էլ պիտի զբաղվենք, տարածքային կառավարման մարմինների հետ էլ պիտի քննարկենք, միջոցառումներ էլ պիտի անենք»,–ասաց նա։

Հարցին՝ իրենք ունե՞ն տեղեկություններ, որ անհետ կորածների մեջ կանմրդիկ, որոնք գերության մեջ են, Գոռ Մուրադյանը պատասխանեց. «Եթե ես ֆիզիկական անձ լինեի, կասեի՝ կան այդպիսի մարդիկ այնտեղ, բայց այսօր առանց փաստերի դա ուղղակի խոսակցություններ են, հուսով ենք ճիշտ խոսակցություններ են։ Մենք տարբեր աղբյուրներից լսում ենք, որ դեռ շատ գերիներ այն տեղ ունենք, որոնք հաստատված չեն, բայց դա խոսակցության մակարդակի է, ոչ մի փաստ չկա, որ վրա կարելի է հիմնվել ու առաջնորդվել այդ խոսակցություններով»։

Հետևեք մեզ՝ այստեղ