Այս կինը ոչ մի կերպ չէր կարողանում երեխա ունենալ. 20 անգամ վիժելուց հետո հրաշք տեղի ունեցավ (լուսանկարներ)

Blog.1in.am-ը գրում է.

Կելլի Մոզլին 10 տարվա ընթացքում 20 անգամ հղիացել է: Կելլին՝ իր ամուսին Ալանի հետ միասին, շատ էին ուզում երեխա ունենալ: Եվ նույնիսկ այն ժամանակ, երբ ընտանիքն ու ընկերները համոզում էին Կելլիին հրաժարվել անընդհատ ձախողման ենթարկվող փորձերից, նա չէր հանձնվում: Յուրաքանչյուր հերթական հղիությունն ավարտվում էր վիժումով: Այդ փորձերից 18-ն ավարտվել են հղիության 8-րդ շաբաթում, իսկ նախավերջին փորձի ժամանակ փոքրիկն ապրեց մինչև 5-րդ ամիս:

Կելլին հիշում է. «Շրջապատիս բոլոր մարդիկ ասում էին. «Հերիք է, կանգ առ: Դու արդեն չափից շատ ես կորցրել»: Բայց ես այդպես չէի կարող: Ես ուղղակի վստահ էի, որ ահա, հիմա ժամանակն է, ևս մի փոքր…»

Հետո ամուսինները խորհրդակցեցին մի հայտնի բժշկի հետ, ով ելույթ էր ունեցել հեռուստացույցով: Զննումներից հետո պարզ դարձավ, որ Կելլիի օրգանիզմում կան մարդասպան-բջիջներ, որոնք թույլ չեին տալիս փոքրիկներին ապրել: Բժիշկն անսպասելի գործեց: Կնոջը բուժում նշանակելու փոխարեն, որն անում են նման դեպքերում, նա դեղեր նշանակեց ռևմատոիդ արթրիտի և մալարիայի դեմ: Բուժումն անցնելուց հետո, Կելլին իմացավ, որ հղի է: Թայլերը լույս աշխարհ եկավ 28 շաբաթականում և կշռում էր ընդամենը 1,4 կգ: Բայց նա ծնվեց և դա էր կարևորը: Այժմ նա սքանչելի առողջ բալիկ է:

«Մինչև հիմա չեմ կարողանում հավատալ, որ ես փոքրիկ ունեմ, – ասում է երջանիկ մայրիկը: – Ես ուղղակի հասկացա, որ պետք է երբեք չդադարել հավատալ և չհուսալքվել, և ես ցանկանում եմ կիսվել դրանով այլ մարդկանց հետ: Ես երբեք չեմ մոռանա այն փոքրիկներին, որոնց կորցրել եմ, բայց արժե ապրել հանուն Թայլերի»: