ՌԴ-ում Գյոթեի ինստիտուտի բոլոր մասնաճյուղերը կփակվեն. Սերգեյ Լավրով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի արտգործնախարար Սերգեյ Լավրովը հայտարարել է, որ երկրում կփակվեն Գյոթեի անվան գերմանական ինստիտուտի բոլոր երեք մասնաճյուղերը, տեղեկացնում է svoboda.org-ը։

«Իհարկե, դրանք կփակվեն այն բանից հետո, երբ մեր մշակութային կենտրոնն այնտեղից դուրս հանեցին։ Հակառակ դեպքում մենք չենք հարգի մեզ», – Վլադիվոստոկում ընթացող Արևելյան տնտեսական ֆորումում իր ելույթի ժամանակ ասել է նա՝ անդրադառնալով Բեռլինում գտնվող ռուսական մշակութային կենտրոնը («Ռուսական տունը») փակելու Գերմանիայի ղեկավարության որոշմանը։

Գերմանիան որոշեց փակել Բեռլինում Ռուսական տունը, Բոննում Ռուսաստանի հյուպատոսությունը, նաև ռուսների համար սահմանային վերահսկողությունը խստացրեց այն բանից հետո, երբ այս տարվա օգոստոսի 4-ին Լայպցիգի օդանավակայանում անօդաչու թռչող սարք հայտնաբերվեց ուկրաինական ռազմական տրանսպորտային ինքնաթիռի մոտ: Ավելի ուշ հայտնաբերվեց ևս մեկը և մոտ 50 գրամ պայթուցիկ նյութ:

Սեպտեմբերի 1-ին Գերմանիայի իշխանությունները Ռուսաստանին պաշտոնապես մեղադրեցին Լայպցիգի օդանավակայանի վրա հարձակումը կազմակերպելու համար։ Ներքին գործերի նախարար Ալեքսանդր Դոբրինդտը հայտարարեց, որ որոշումը հիմնված է անօդաչուի կոնֆիգուրացիայի և որոշակի բաղադրիչների ուսումնասիրության վրա, որոնք օգտագործվել են Ռուսաստանի կողմից այլ հիբրիդային հարձակումների ժամանակ: Մոսկվան էլ հայտարարեց, որ «համարժեք պատասխան» կտա։

Հետևեք մեզ՝ այստեղ