Սոցիալական կայքերը` մասնավորապես Ֆեյսբուքը, անտվանգություն են երաշխավորում
ԲԼՈԳԼևոն Բաբաջանյանը ֆեյսբուքյան իր էջում գրում է.
Սոցիալական կայքերը` մասնավորապես Ֆեյսբուքը, իրենց բոլոր դրական և բացասական գործառույթներից զատ, մի շատ կարևոր գործառույթ էլ են կատարում` անտվանգություն են երաշխավորում: Երևի չենք նկատում, բայց մի տաս տարի առաջվա համեմատությամբ արդեն դժվար է բռնություն կատարել լրագրողի, քաղաքացիական ակտիվիստի կամ ընդհանրապես քաղացու նկատմամբ ու մնալ աննկատ:
Լրագրողի տեսախցիկն ու ինֆորմացիայի արագ տարածման հնարավորությունները էսօր շատ ավելի մեծ ներդրում ունեն ընդհանուր անվտանգության մթնոլորտի ձևավորման համար, քան ուժեղ մկանները, զենքը, իսկ որոշ դեպքերում էլ` անգամ ոստիկանությունը: Ֆեյսբուքը «անվտանգության ցանցեր» ստեղծելու հնարավորություն է տալիս:
Ու եթե որևէ մեկը ներառված է այդ ցանցերից որևէ մեկում` ուրեմն գոնե ապահովագրված է աննկատ ծեծի կամ մեկ այլ տեսակի բռնության ենթարկվելու վտանգից: Մեր լրագրողներն էլ շատ լավ օգտվում են այդ հնարավորությունից` վկա բազում «վայ պատգամավորների» բռնություն գործադրելու չիրականացված «խոստումները»: