39-ամյա հայրը կծել է իր երեխաներին՝ խաղի ժամանակ իրեն գնդակ չտալու պատճառով. երեխաներին հոսպիտալացրել են
ՀԱՍԱՐԱԿՈՒԹՅՈՒՆԱՄՆ Վաշինգտոն նահանգում 39-ամյա Թոմաս Ռասելը ձերբակալվել է սեփական երեխայի ծննդյան տարեդարձի ժամանակ այլ երեխաների նկատմամբ բռնություն գործադրելու կասկածանքով։
Դեպքը տեղի է ունեցել նոյեմբերի 7-ին՝ Վաշինգտոն շրջանի Դելանի Քրիք այգում։ Հետաքննության տվյալներով՝ բասկետբոլ խաղալու ընթացքում տղամարդը երեխաներին հայտարարել է, թե խաղի կանոններով կծելն արգելված չէ։ Այնուհետև նա կծել է 9 և 10 տարեկան երկու տղաների, որոնք հրաժարվել էին իրեն փոխանցել գնդակը։
Մեկ այլ՝ 9-ամյա երեխա ոստիկաններին հայտնել է, որ Ռասելը հետագայում խաղահրապարակում բասկետբոլ խաղալու ընթացքում հարվածել է իր աճուկին։
Դեպքի առնչությամբ հետաքննությունը սկսվել է այն բանից հետո, երբ երեխաներից մեկի մայրը որդու մեջքին մեծ կծածի հետք է նկատել։ Տղամարդուն մեղադրանք է առաջադրվել 14 տարեկանից փոքր երեխաների նկատմամբ բռնություն գործադրելու երեք դրվագով։
Ռասելը չի ընդունում իրեն ներկայացված մեղադրանքները, սակայն մի քանի վկաներ հաստատել են տուժած երեխաների պատմածը։
Դատավորը տղամարդու վարքագիծը որակել է որպես զզվելի։ Ռասելն ազատ է արձակվել 30 հազար դոլար գրավի դիմաց։ Նրան նաև արգելվել է մասնակցել այն մարզական միջոցառումներին, որոնց ներկա կլինեն տուժած երեխաները, նույնիսկ եթե այդ միջոցառումներին մասնակցի նաև իր երեխան։
Գործով հաջորդ դատական նիստը նշանակված է դեկտեմբերի 10-ին։
Past.am-ը հետևում է արտասահմանում տեղի ունեցող ուշագրավ քրեական դեպքերին և ներկայացնում դրանց մանրամասները։



