Հայտնի են 2027 թվականի ձմեռային զորակոչի և զորացրման ժամկետները
ՀԱՍԱՐԱԿՈՒԹՅՈՒՆՀայաստանի զինված ուժերի համալրման նպատակով 2027 թվականի ձմեռային զորակոչը նախատեսվում է անցկացնել հունվարի 7-ից մինչև փետրվարի 12-ը ներառյալ։ Իսկ պարտադիր զինվորական ծառայությունն ավարտած զինծառայողների զորացրումը կիրականացվի հունվարի 7-ից մինչև հունվարի 31-ը։
Համապատասխան որոշման նախագիծն ընդգրկված է ՀՀ կառավարության նոյեմբերի 19-ի նիստի օրակարգում։
Նախագծով սահմանվում են Զինված ուժերի համալրման ժամկետները, ինչպես նաև պարտադիր զինվորական ծառայություն անցած զինծառայողների զորացրման ժամանակացույցը։
Փաստաթղթով կարգավորվում է նաև կամավոր հիմունքներով շարքային կազմի պարտադիր զինվորական ծառայություն անցնելու ցանկություն հայտնած իգական սեռի քաղաքացիների, ինչպես նաև «Զինվորական ծառայության և զինծառայողի կարգավիճակի մասին» օրենքի 19-րդ հոդվածի 1.2-րդ մասում նշված արական սեռի քաղաքացիների զորակոչի գործընթացը։
Նախագծով նախատեսվում է սահմանել նաև 2027 թվականի ձմեռային զորակոչի կազմակերպման և անցկացման ընթացակարգը, այդ գործընթացի շրջանակում ստեղծվող մարմինները և զորակոչի ապահովմանն ուղղված անհրաժեշտ գործողությունների շրջանակը։
Որոշումն ուժի մեջ կմտնի սահմանված կարգով ընդունվելուց հետո։
Past.am-ը կհետևի կառավարության որոշման ընդունմանն ու զորակոչի կազմակերպման հետագա գործընթացին։



