Ինչ պետք չէ ասել տղամարդուն

Շատ կանայք  կարծում են, թե տղամարդու համար կարևորը միայն արտաքին տեսքն է, սակայն ամեն ինչ այնքան էլ այդպես չէ: Երբեմն մեկ բառը կամ արտահայտությունը կարող է հիասթափության կամ բաժանման պատճառ դառնալ: Նաև էական է ասելու ձևը, դուք կարող եք ասել մի բան, իսկ նա հասկանա ընդհակառակը:

Այսպիսով` Past.am-ը ներկայացնում է, թե ինչ չի կարելի ասել տղամարդուն` հարաբերությունները չփչացնելու համար:

«Ընկերուհուս ամուսինն իրեն ամեն օր ծաղկեփունջ է գնում, այ նա է իսկական ջենթլմենը», կամ «Ընկերուհուս ամուսինը 2 անգամ ավելի է վաստակում, քան դու, դրա համար էլ նրանք երջանիկ են:»: Տղամարդը որքան էլ ֆիզիկապես ուժեղ է, բայց շատ ավելի փխրուն հոգի ունի: Դուք կարող եք կոտրել նրա ինքնասիրությունը և թերարժեքության բարթույթ առաջացնել նրա մոտ: Վերջ ի վերջո նա կհասականա, որ անկարող է երջանկացնել ձեզ և կգտնի մեկին, ով գոհ կլինի իրենից:

«Ծնողներդ սխալ են: Ծնողներդ քեզ չեն սիրում»: Յուրաքանչյուրի համար մայրը սրբություն է, և վիրավորել ծնողին նշանակում է վիրավորել նրան: Դուք երբեք չեք կարող ապացուցել, որ մայրը սխալ է կամ չի հասկանում, փոխարենը կչփացնեք սիրելիի հետ հարաբերությունները: Հարկավոր է դիվանագետ լինել: Երբեք մի քննարկեք ձեր անձնական-ինտիմ խնդիրները` հատկապես ընկերուհիների հետ: Եթե ձեր տղամարդն իմանա այդ մասին, համարեք, որ մի մեծ գիծ եք քաշել ձեր ջերմ և ռոմանտիկ հարաբերությունների վրա, քանի որ այսուհետ նա միշտ մտածելու է, որ իր ցանկացած քայլը քննարվելու է որոշ մարդկանց կողմից և միշտ լարված է լինելու:

«Քո սանրվածքը լավը չէ: Այս հագուստը քեզ չի սազում: Քիթդ վիրահատման կարիք ունի»: Տղամարդու արտաքինը քննարկելը կոպիտ սխալ է: Նա ձեր կողքին պետք է իրեն ամենահմայիչը զգա: Եթե որոշ բաների հետ չեք համակերպվում, կարող եք հասկացնել կամ ակնարկել այդ մասին: Ի վերջո հիշեք, որ նրան ընտրել եք դուք և ոչ մեկ ուրիշը:

Որքան էլ շատ վաստակեք, երբեք ցույց մի տվեք, կամ մի ասեք նրան դրա մասին, դուք պետք է ոգևորեք նրան, որ ավելին վաստակի և ոչ թե հակառակը: Երբեք մի խոսեք նախկին ընկերոջ մասին, նա շատ հանգիստ ձեզ կուղարկի իր մոտ, եթե զգա, որ կարոտում եք:

Արուսիկ Տիգրանյան