Մի անծանոթ կին զանգահարեց միջոցառումներ կազմակերպող այս աղջկան և սրճարան հրավիրեց. այնտեղ սպասվող անակնկալի մասին կերազի ցանկացած աղջիկ (լուսանկարներ)

Blognews.am-ը գրում է.

Նյու Օլբանիում ապրող Էմի Բյուկենն իր ապրուստը վաստակում էր տարօրինակ կերպով: Նա մույլտհերոսների կերպարներով ներկայանում էր մանկական խնջույքներին և զվարճացնում էր երեխաներին:

Մի օր աղջիկը մանկական խնջույքի հերթական պատվերը ստացավ: Գնալով մի փոքրիկ աղջկա ծննդյան խնջույքին՝ Էմին չէր էլ պատկերացնում, որ այդ օրն ընդմիշտ կփոխի իր կյանքը:

Թե ինչ պատահեց այդ երեկո, Էմին պատմում է իր Facebook-ի էջում:

«Ինձ զանգահարեց մի անծանոթ կին և ասաց, որ ցանկանում է իր աղջկա 6-րդ տարեդարձի առթիվ խնջույք կազմակերպել: Նա ներկայացավ որպես La Chateleine սրճարանի սեփականատեր և ասաց, որ խնջույքն այդտեղ է տեղի ունենալու: Դա ինձ շատ ուրախացրեց, քանի որ ես շատ եմ սիրում այդ վայրը, այն ինձ շատ լավ ծանոթ է: Հենց այդտեղ է եղել իմ և իմ ընկերոջ՝ Նիկի, առաջին հանդիպումը:

Մենք պայմանաորվեցինք, որ ես Մոխրոտիկի կերպարով եմ ներկայանալու: Նշանակված ժամին ես հասա սրճարան: Մուտքի մոտ ինձ դիմավորեց սրճարանի տիրուհին: Նա ասաց, որ աղջկա ծնունդը նշում են ոչ թե հիմնական սրահում, այլ մի փոքրիկ սենյակում՝ միայն հարազատների համար: Ինձ ուղեկցեցին դեպի այդ վայրը: Իսկ երբ ես բացեցի սենյակի դուռը, ես կորցրեցի խոսելու ունակությունս:

Սենյակում ռոմանտիկ երաժշտություն էր, իսկ սենյակի պատերը զարդարում էին հազարավոր լույսեր: Գորգի վրա վարդի թերթիկներ էին, իսկ դրանց վրա մոմերով սիրտ էր պատրաստված: Իմ առջև կանգնած էր Նիկը՝ արքայազնի հագուստով և բյուրեղյա կոշիկը ձեռքին:

Նա ծնկի իջավ և ինձ տվեց կոշիկը: Պարզվեց այնտեղ ամուսնական մատանի էր: Երբ նա ինձ հարցրեց, արդյոք համաձայն եմ ամուսնանալ իր հետ, ես հազիվ կարողացա նրան ասել «այո»: Քանի որ հուզմունքից ես սկսեցի լաց լինել և հազիվ էի կարողանում ինչ-որ բառ արտաբերել»:

Նման առաջարկության մասին շատ աղջիկներ միայն երազել կարող են, իսկ մեր պատմության հերոսուհին վերապրել է սա իրականում: Շուտով Էմին և Նիկը ամուսնացան: Համոզված ենք, որ նրանց երկար և երջանիկ կյանք է սպասվում: