Միթե Վարդգես Գասպարիի վարքային դրսևորումները նրան դարձնում են այդքան սարսափազդու
ԲԼՈԳՍարգիս Միքայելյանը ֆեյսբուքյան իր էջում գրում է.
Ինձ մոտ տարօրինակ հարցեր են առաջանում, ընկերներ... Կարդում եմ լրատվությունում, որ Վարդգես Գասպարիին խոշտանգել են ազատազրկման վայրում, նա հացադուլ է հայտարարել, իսկ նրան չեն տեղափոխել առանձին խուց, ապա տեղափոխել են հոգեբուժարան' դատահոգեբուժական փորձաքննության, որը չի կայացել, և նրանց էլի տեղափոխել են նախկին խուցը....
Ինձ մոտ առաջանում են տարօրինակ հարցեր. միթե այս երկրի իշխանություններն այն աստիճանի են վախեցած ցանկացած ընդդիմադիր գործողությունից, որ սկսել են վախենալ անգամ Վարդգես Գասպարիի պես անշառ ընդդիմադիրից?
Ինչ է արել/անում Գասպարին? Բողոքել պլակատներով ու պառկել ասֆալտին' որպես ընդդիմադիր բողոքի ծայրահեղ դրսևորում? Ինչ վտանգ կար դրանից իշխանություններին? Կարծում եմ' բացարձակապես ոչ մի վտանգ!
Ես լինեի իշխանության կրող, ուղղակի կերազեի պարոն Գասպարիի պես կանխատեսելի ու անվտանգ ընդդիմադիրների մասին.... Ինչ հոգեբուժարան? Սա карательная психиатрия-ի վերադարձն է հուշում, թե Գասպարին, երբ պառկում է գետնին, ցուցաբերում է հանրայնորեն վտանգավոր անմեղսունակություն? Ինչ է սա?
Պարոն Գասպարին, գուցե, որոշ դեպքերում ադեկվատ չէ, ասենք' դատավորի վրա թքելիս, ամեն հարմար ու անհարմար առիթի գետնին պառկելիս, բայց միթե նրա այդ վարքային հետաքրքիր դրսևորումները նրան դարձնում են այդքան սարսափազդու, որ նրա դեմ պետք է կռվել նման մեթոդներով....? Գուցե սա ուղղակի վրեժ է և, միաժանամակ, զգուշացում' ուղղված ուրիշ' ավելի վտանգավոր ընդդիմադիրների? Ինչ-որ տարօրինակ հարցեր են առաջանում, ամեն դեպքում...