Ալինա Մարտիրոսյանը՝ խորամանկ ու հաշվենկատ կին

Blognews.am-ը գրում է.

Դերասանուհի Ալինա Մարտիրոսյանն այսուհետև նկարահանվելու է «ATV» հեռուստաընկերության «Քարե դարդ» սիթքոմում։ Դերասանուհին առաջինը BlogNews-ին է պատմել այս փուլում ունեցած նորությունների մասին։

 

Ալինան «Քարե դարդ» կգա ցեղապետի կնոջ կերպարով։ «Հերոսուհիս մի քիչ մոտ է Էդիտայի կերպարին, քանի որ նրա պես հաշվենկատ, խորամանկ կին է»,- ասաց նա ու հավելեց, որ «Քարե դարդը» շատ պոզիտիվ, ուրախ սիթքոմ է։ Ալինան նշեց, որ շատ հետաքրքիր, ինտրիգային զարգացումներ են սպասվում։

«Հոլիվուդյան մի ֆիլմ կա՝ «Ֆլինսթոունների ընտանիքը», որտեղ շատ հայտնի աստղեր են խաղում։ Շատ սիրուն, հեքիաթային ֆիլմ է։ «Այդ առումով «Քարե դարդի» պես է։ Միշտ դիտում էի շատ ուզում էդպիսի մի ֆիլմում խաղալ։ Երբ Վաչեն առաջարկեց խաղալ այստեղ, միանգամից համաձայնեցի»,- ասաց Ալինան։

Դերասանուհու միակ նախապայմանը եղել է հագուստի հետ կապված. «Ի սկզբանե պայմանավորվել ենք, որ իմ հագուստը որքան հնարավոր է փակ է լինելու։ Ուզում էի, որ որովայնի ու մեջքի հատվածները փակ լինեն։ Կարծում եմ՝ աղջիկների մայրը պետք է տարբերվի նրանցից։ Ինչքան էլ շատ սիրուն ու ջահել լինի, նա ցեղապետի կինն է, որը պետք է տարբերվի»։

Ըստ դերասանուհու՝ ամեն անգամ նորովի ներկայանալու հնարավորություն է ունենում. «Բազմապրոֆիլ դերասանուհի լինելը վատ բան չէ։ Իմ կերպարները մեկը մյուսից շատ տարբեր են եղել՝ կերտել եմ զուսպ, կանացի դերերից մինչև խորամանկ ու հաշվենկատ կերպարներ»։

Անդրադառնալով «Երանի» սերիալից դուրս գալուն՝ Ալինան ասաց. «Շատ էի սիրում Էսթերի կերպարը և ափսոսում եմ, որ էսպես ստացվեց։ Մինչ «ATV»-ից առաջարկ ստանալս որոշել էի դուրս գալ «Երանի» սերիալից։ Որոշումս կայացնելուց 2 օր անց Վաչեն ինձ առաջարկ արեց, որն ընդունեցի»,- նշեց Ալինան՝ չցանկանալով մանրամասնել սերիալից դուրս գալու որոշման դրդապատճառները։