Անհնար է հիմա պատկերացնել, որ իմ կինը կարող էր լինե մեկ ուրիշը. Արմեն Ամիրյան

Wnews.am-ը գրում է.

Wnews.am-ը ներկայացնում է շոու բիզնեսի ամենագեղեցիկ ընտանիքներից մեկին. Ամիրյանների ընտանիքին։
Հանրային ռադիոյի տնօրեն, Հայաստանի մշակույթի վաստակավոր գործիչ Արմեն Ամիրյանն ունի երեք զավակ՝որդին Հայկը եւ դուստրեր Սեդան ու Արինան։

«Իմ պատկերացմամբ՝ երջանկությունը կյանքում ինքնադրսեւորվել կարողանալն է: Երջանկությունը լավ ընտանիքն է, զավակները, այն սերն է, որ մարդ կարողանում է վայելել հասարակության շրջանում, ընտանիքում, շրջապատում: Ինձ շատ երջանիկ մարդ եմ համարում, որովհետեւ ունեմ այդ սերը»,- ասում է պարոն Ամիրյանը:

Արմեն Ամիրյանի կինը Նարինեն է։ 25 տարուց ավելի է, նրանք միասին են։

«Ոչ միայն սիրահարվել եմ, այլեւ գիտակցել, թե ում հետ եմ ամուսնանում. երբեմն լինում է միայն սերը, հետագայում գիտակցությունը դավաճանում է սիրուն, կամ սերն է դավաճանում գիտակցությանը: Մենք ամուսնացել ենք ե՛ւ սիրով, ե՛ւ գիտակցությամբ»,- նշում է Արմեն Ամիրյանը:

Նա չի կարող պատկերացնել, որ իր կինը կարող էր լինել մեկ ուրիշը:
«Իմ կինն իմ ստեղծագործական, աշխատանքային ճանապարհին միշտ իմ կողքին է եղել, միշտ փորձել է ինձ համար հավելյալ դռներ բացել իմ գիտակցության, մտածողության մեջ, մարդկային փոխհարաբերություններում, ուղղորդել է այն ճիշտ ճանապարհով, որով մենք շարժվել ենք առաջ: Ուր էլ գնամ, իմ փարոսը, դրոշակակիրը մնալու են իմ կինը եւ իմ ընտանիքը»,- ասում է նա:

Արմեն Ամիրյանի կինը, կրտսեր դուստր Արինան եւ որդին Հայկը

Արմեն Ամիրյանն իր միջնեկ դստեր Սեդայի հետ

Արմեն Ամիրյանի կրտսեր դուստր Արինան