Տարեսկզբից Միջերկրական ծովով Եվրոպա են ժամանել ավելի քան 120 հազար միգրանտներ ու փախստականներ

Տարեսկզբից Միջերկրական ծովով Եվրոպա են ժամանել 120 հազար 65 միգրանտներ ու փախստականներ, միեւնույն ժամանակ 418 մարդ զոհվել կամ անհետ կորել են՝ փորձելով հասնել եվրոպական երկրներ: Այդ մասին,  փետրվարի 26-ին Ժնեւում կայացած ճեպազրույցի ընթացքում հայտնել Է Միգրացիայի միջազգային կազմակերպության (ՄՄԿ) պաշտոնական ներկայացուցիչ Իտայի Վիտիրին:

«Հունաստան եւ Իտալիա ժամանած միգրանտների ու փախստականների թիվը գերազանցել Է 120 հազարը, իսկ 100 հազարի նշագիծը գերազանցվել Է այս շաբաթ ավելի վաղ: Դա չորս ամիս ավելի շուտ Է տեղի ունեցել, քան 2015 թվականին,-նշել Է Վիտիրին: -Փետրվարի 25-ի դրությամբ միայն Հունաստանն ընդունել Է 111 հազար 99 մարդ»: ՄՄԿ-ի տվյալներով, Իտալիա են ժամանել 8 հազար 966 միգրանտներ ու փախստականներ:

Ինչպես հայտնել Է ՄՄԿ-ի պաշտոնական ներկայացուցիչը, տարեսկզբից Միջերկրական ծովը հատելու փորձ անելիս զոհվել Է 418 մարդ: Ընդ որում՝ առավել վտանգավորը Թուրքիայից Հունաստան ձգվող ծովային երթուղին Է (զոհվել Է 321 մարդ):

Անցյալ տարվա հունվար-փետրվար ամիսներին Միջերկրական ծովով Հին աշխարհ Է ժամանել 11 հազար 834 մարդ, 428 հոգի զոհվել Է ճանապարհին:

Ընթացիկ տարվա հունվարին Հունաստանն ընդունել Է 67 հազար 415 միգրանտներ ու փախստականներ: Նրանց 44 տոկոսը տրամարդիկ են, 22 տոկոսը՝ կանայք եւ 34 տոկոսը՝ երեխաներ, հաղորդել Է ՏԱՍՍ-ը: