Այսօր Վարդան Պետրոսյանի ծննդյան օրն է
ԲԼՈԳԱրթուր Տեր-Մելիքսեթյանը ֆեյսբուքյան իր էջում գրում է.
Վարդան Եղիշեի Պետրոսյանը (ֆրանսերեն՝ Vartan Petrossian փետրվարի 27, 1959 թվական Երևան) հայ դերասան, սցենարիստ, կատակերգու։
Ծվնել է գիտնականի ընտանիքում։ Մանկությունը անցել է Երևանի կենտրոնում՝ Խանջյան փողոցում գտնվող հայրական բնակարանում։ Սովորել է Փանոս Թերլեմեզյանի անվան գեղարվեստական ուսումնարանում, որից հետո Երևանի պետական գեղարվեստա-թատերական ինստիտուտի դիզայնի բաժնում։ Ծառայել է Խորհրդային բանակում։
1988 թվականին Վահրամ Սահակյանի հետ ստեղծել է Երիտասարդ Ոզնիներ թատրոնը, որն այնուհետև վերանվանվելով «Ոզնիներ», առաջին հայկական ոչ պետական երիտասարդական թատրոնն էր։
1992 -ից բնակվում է Փարիզում։
2012 թվականին Երևանում ներկայացրեց իր նոր՝ «Պարոնայք 50 - 50» համերգային ծրագիրը, որի ներկայացումները անցան հուլիսի 23 -ից մինչ դեկտեմբերի 19 -ը Պարոնյանի անվան թատրոնում։
Ավտովթար :
2013 թվականի հոկտեմբերի 20 -ին Եղվարդ– Երևան ավտոճանապարհին երթևեկելիս տրանսպորտային վթարի է ենթարկվել՝ հարվածելով մեկ այլ մեքենայի, որի ուղևորներից երկուսը մահացել են։ Ինքը` Վարդան Պետրոսյանը, ծանր վնասվածքներ է ստացել և մի քանի վիրահատությունների ենթարկվել։ Նոյեմբերի 8 -ին կալանավորվել է՝ մահացու ելքով երթևեկության կանոնների խախտման մեղադրանքով։ Վարդան Պետրոսյանին մեղադրանք է առաջադրվել Քրեական օրենսգրքի 242 -րդ հոդվածի 3 -րդ մասով` ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ։ Մեղադրանքը հաստատվելու դեպքում դերասանին սպառնում է 4 - 10 տարվա ազատազրկում։